ඒ අනුව නීතිඥ ලක්ෂාන් ඩයස් මහතා සමග නිර්මලා ද අල්විස් මහත්මිය මේවනවිට දෙමටගොඩ පිහිටි  කොළඹ අපරාධ කොට්ඨාශය වෙත ගොස් ඇතැයි වාර්තාවේ. 

ප්‍රේමකීර්ති ද අල්විස් මහතා ඝාතනයට ගුවන් විදුලි සංස්ථාවේ වත්මන් සභාපති හඩ්සන් සමරසිංහ මහතා සම්බන්ධ බවට ඇය කල ප්‍රකාශය සම්බන්ධයෙන් කොළඹ අපරාධ කොට්ඨාශය විසින් විශේෂ පරීක්ෂණයක් ආරම්භ කර තිබේ. 

මේ අතර, ප්‍රේමකීර්ති ද අල්විස් මහතාගේ මරණය පිළිබඳ තමන් වෙත අසත්‍ය චෝදනා කරමින් කළ අපහාසාත්මක ප්‍රකාශ නිසා සිදුවූ හානියට රුපියල් මිලියන 500ක් අලාභ වශයෙන් ගෙවන ලෙස දැනුම් දෙමින් ශ්‍රී ලංකා ගුවන් විදුලි සංස්ථාවේ සභාපති හඩ්සන් සමරසිංහ මහතා ඊයේ (13) සිය නීතිඥයන් මගින් නිර්මලා ද අල්විස් මහත්මිය වෙත එන්තරවාසියක් යවා තිබේ.