බොරතෙල් සහ පිරිපහදු ඉන්ධන ගෙන්වීම අගෝස්තු 08 සිට සීමා කරන බව බළධාරීන් පොරොන්දු වුවත් දිගින් දිගටම මෙලෙස ඉන්ධන ගෙන්වීම නිසා නැව් 05කට ප්‍රමාද ගාස්තු ගෙවීමට සිදුව ඇතැයි එම සංගමය පෙන්වා දෙයි.
වැඩිදුරටත් අදහස් දක්වමින් එම සංගමයේ ලේකම් ආනන්ද පාලිත පෙන්වා දෙන්නේ බොරතෙල් මෙට්‍රික්ටොන් 91,000 ක් සහිත නැවක් බොරතෙල් ගොඩබාන බෝයාව අසලත් පිරිපහදු කළ ඉන්ධන නැව් දෙකක් ඩොල්ෆින් ජැටිය අසලත්, තවත් නැව් දෙකක් උස්වැටකෙයියාව පිරිපහදුව ඉන්ධන ගෙඩබාන බෝයාව අසලත් නවතා දමා තිබෙන බවයි.
මේ ආකාරයට නවතා දමා තිබෙන බොරතෙල් නැවකට ආසන්න වශයෙන් ඩොලර් 20000 ක් 25000 අතර මුදලක් ගෙවිය යුතු අතර බොරතෙල් ගොඩබාන බෝයා අසල නවතා දමා තිබෙන නැවට මේ වනවිට දින 15කට ප්‍රමාද ගාස්තු ගෙවීමට සිදුව තිබේ.
එමෙන්ම පිරිපහදු කළ ඉන්ධන නැවකට දිනකට ඩෙලර් 18000 කට අධික මුදලක් ගෙවීමට සිදුව තිබෙන අතර පිරිපහදු කළ ඉන්ධන මෙරටට ගෙන්වූ නැව් වෙනුවෙන් කෝටි තිහකට අධික මුදලක් ගෙවීමට සිදුව ඇත. මෙවැනි තත්වයක් යටතේ තවමත් බෙරතෙල් පිරිපහදු කළ ඉන්ධන ගෙන්වීම සීමා නිසා මේ මස 17 වැනිදාත් බොරතෙල් නැවක් මෙරටට පැමිනෙන බවද ඒ මහතා පැවසීය.
