ශී‍්‍ර ලංකාවේ රැදී සිටි පකිස්තාන සරණගාතයින් ආපසු හරවා යැවීම සම්බන්ධයෙන් එක්සත් ජාතීන්ගේ සරණාගතයින් පිළිබද මහකොමාරිස් කාර්යාලය ඉකුත්දා කළ ප‍්‍රකාශය ප‍්‍රතික්‍ෂේප කරමින් ඔහු එබව කියා සිටියේ, රජයේ ප්‍රවෘත්ති දෙපාර්තමේන්තුවේ ඊයේ පැවති මාධ්‍ය හමුවේදීය. 


එක්සත් ජාතීන්ගේ සරණාගතයින් පිළිබද මහකොමසාරිස් කාර්යාලය ප‍්‍රකාශ කර තිබුණේ මෙම මාසයේ පළමු දින 5 ඇතුළත පමණක් පකිස්තාන සරණාගතයින් 36 දෙනෙකු ශී‍්‍ර ලංකාවෙන් පිටුවහල් කර ඇති බවයි. එසේ කිරීම අන්තර්ජාතික නීතියට අනුවද, සම්ප‍්‍රදායට අනුවද වරදක් බව ඔවුන් කියා තිබිණ.

රජය  වෙනුවෙන් මේ සම්බන්ධයෙන් ප‍්‍රතිචාර දැක්වූ අමාත්‍ය කෙහෙළිය රඹුක්වැල්ල මහතා වැඩිදුරටත් මෙසේ පැවසිය.

 '' එක්සත් ජාතීන්ගේ සංවිධානය ඒ කියන එක සම්පූර්ණයෙන්ම වැරදියි. 1951 එක්සත් ජාතීන්ගේ ප‍්‍රඥප්තියේදී අපි ඒකට කොටස්කරුවන් නෙවෙයි. දෙවැනි කරුණු තමයි තව කතාවක් කියනව සම්ප‍්‍රදායක් අනුව කිරීම වැරදියි කියලා. ඉතින් සම්ප‍්‍රදායක් කියන එක අපිට පිළිගන්න දෙයක් නෙවෙයි. මොකද මේකට තියෙනවා අත්සන් කරන ලද ලිඛිත එකඟතාවයක්. අපි ඒකේ කොටස්කරුවන් නෙවෙයි. ලංකාවේ පොදු නීතිය තමයි දවස් 30කට හෝ මාස 3කට සංචාරකයන් ලෙස ලබාගන්නා වීසා තුළින් ඔවුන් ලංකාවට පැමිණෙනවා. ඒ ලංකාවට පැමිණියහම ඔවුන් ඊට වැඩිපුර හිටපු අය පිටත් කර හරිනවා. ''

 එක්සත් ජාතීන්ගේ සරණාගතයින් පිළිබද මහකොමසාරිස් කාර්යාලය කුමන අදහස් පළ කලද ශී‍්‍ර ලංකාවේ රැඳීසිටින පකිස්තාන සරණාගතයින් හරවා යැවීම සම්බන්ධයෙන් පකිස්තාන ආණ්ඩුව මේ දක්වා කිසිදු විරෝධයක් පළ කර නැතැයිද ඇමතිවරයා කියා සිටියේය.