පසුගිය ජූනි 10 වැනි දින සිට ජූනි 13 වැනි දින දක්වා ප‍්‍රංශයේ පැවැති මෙම සමුළුව සඳහා සහභාගී විය යුතු වූයේ එම සංවිධානයේ සාමාජිකත්වය දරණ ශී‍්‍ර ලංකාවේ කැලණිය විශ්වවිද්‍යාලයේ හෝ කොළඹ විශ්වවිද්‍යාලයේ උපකුලපති වරයෙකි.
එහෙත් ඒ වෙනුවට මේ සඳහා සහභාගී වී ඇත්තේ විශ්වවිද්‍යාල ප‍්‍රතිපාදන කොමිෂන් සභාවේ පි‍්‍රයන්ත පුෂ්ප කුමාර නම් අතිරේක ලෙකම්වරයාය. ඔහු ඒ සඳහා විශ්වවිද්‍යාල ප‍්‍රතිපාදන කොමිසමේ අරමුදලින් රුපියල් 3,53,007.67ක් වියදම් කර තිබේ.
මෙම සංවිධානයේ මහලේකම් ආචාර්ය නින්නාත් නම් තායිලන්තයේ පෞද්ගලික විශ්වවිද්‍යාලයක ප‍්‍රධානියා සමග විද්‍යුත් තැපෑලෙන් මීට අදාළ ගනුදෙනු කර ඇත්තෙ පූර්වයෙන් කොළඹ සරසවියේ උපකුලපතිව සිටි ශානිකා හිරිඹුරේගම නම් දැනට ප‍්‍රතිපාදන කොමිසමේ සභාපතිනිය යි.
ඇය මහලේකම්වරයාට දන්වා යවා ඇත්තේ අදාළ සමුළුව සඳහා වැඩබලන උපකුලපතිවරයෙකු සහභාගී කරවීමට කටයුතු කරන බවය.
විවිධ විදෙස් ආයතන මගින් ලැබෙන විදෙස් සංචාර සඳහා අදාළ නොවන නිලධාරීන් සහභාගී වීමේ අවස්ථා ගණනාවක් පසුගිය කාලයේ වාර්තා වූ අතර, එම සහභාගීවීම් මගින් මහජන මුදල නිකරුනේ වැයවීම පමණක් නොව අදාළ සමුළුවලින් හෝ පුහුණුවලින් රටට කිසිදු ප‍්‍රයෝජනයක් අත් නොවීම ද කැපී පෙනේ.
