මෙය ආසන්න වශයෙන් රුපියල් අටකෝටි අසූහත් ලක්ෂ අනූදහසක් (රු:88790000/=) ය.
වත්මන් මහබැංකු අධිපතිවරයාගේ මෙහෙයවීමෙන් ගී‍්‍රසියේ බැදුම්කර මිලදී ගැනීමට ද විශාල විදේශ විනිමය ප‍්‍රමාණයක් යොදවන ලද අතර, එයින් රුපියල් කෝටි සිය ගණනක් පාඩුවී ඇත.
එමෙන්ම ඔහුගේ ද එකගතාවය මත 2008 වර්ෂයේ දී ලංකා ඛනිජ තෙල් නීතිගත සංස්ථාව සහ විදේශ බැංකු තුනක් මෙන්ම දේශීය බැංකු දෙකක් සමග අත්සන් තබන ලද හෙජිං ගිවිසුම නිසා ඩොලර් මිලියන 75.4ක හෙවත් රුපියල් කෝටි 850ක පමණ අලාභයක් සිදුවී තිබේ.
මෙයට අමතරව ආණ්ඩුවේ විවිධ ජාත්‍යන්තර ප‍්‍රචාරක ව්‍යාපෘති සඳහා ද මහ බැංකු අධිපතිවරයා විශාල වශයෙන් දායක වේ. පොදු රාජ්‍ය මණ්ඩලීය කී‍්‍රඩා උළෙල ලංකාවට ලබා ගැනීම සඳහා ජාත්‍යන්තර ප‍්‍රචාරක ව්‍යාපාරයකට සඳහා නාමල් රාජපක්ෂ මන්තී‍්‍රවරයා ඇතූළු කණ්ඩායමක් සමග සම්බන්ධ වීම ද කැපී පෙනේ.
