ඉහළ යන ජීවන වියදම පිළිබදවද, කාන්තාවන් මුහුණ දෙන දුක්ගැහැට පිළිබදවද එය කදිම උදාහරණයක් බව  ඒ මහතා පෙන්වා දුන්නේය.

 උපකාරක පංති ගුරුවරයෙකු සහ විචාරකයෙකු ලෙසද ප‍්‍රකට උපුල් ශාන්ත සන්සන්ගල මහතාගේ ‘ අම්මා ’ කෘතිය එළිදැක්වීම වෙනුවෙන් මහරගම තරුණ සේවා සභා ශ්‍රවනාගාරයේ  ඊයේ පැවති උත්සවයකදී ඔහු මෙම අදහස් පළ කළේය.


'' මගේ දුවගේ අම්මත් හැමදාම අවුරුදු ගාණක් උදේ හතරට නැගිටිනවා. දැන් උසස් පෙළ ඉගෙන ගන්නේ. ටියුෂන්වලට මාසෙට රුපියල් තිස් දහසක් විතර  ඕනි. විද්‍යා විෂයන් ඉගෙන ගන්නේ. බිරිඳ ගුරුවරියක්. එයාගේ පඩිය මදි. මට කියක්වත් හම්බ වෙන්නේ නැහැ. එයා තනියම ඒ දුක දරාගෙන වැඩ කරගෙන යනවා.

මං කොහේ හරි රට වටේ ගියාම අපේ සහෝදර සහෝදරියන් දෙන හාල් පොල් ටිකක් ගෙදරට ගෙනත් දානවා. ඒකෙන් වැඬේ හරියන්නේ නෑ. මං කියනවා රටේම මිනිස්සු අපිට එක එක ප‍්‍රශ්න කියනවා. ගොඩක් අයගේ ප‍්‍රශ්න විසඳනවා. ඒවාට මැදිහත් වෙනවා.

එතකොට නෝනා මගෙන් ඇහුවා, ‘‘ඉතින් ඔයා ඇයි බලාගෙන ඉන්නේ. ඔයා මොකක් හරි කරන්න බලන්න.’’ ඔයා දන්නවා මම අවුරුදු 30ක් ජේවීපි එකේ ෆුල් ටයිම්. ශත පහක්වත් හම්බ කරලා නැහැ මේ අවුරුදු 30.

 දැන් මට එයා කියනවා අවුරුදු තිහක් ෆුල් ටයිම් කරපු මට ‘ඔයත් මොනව හරි කරන්න බලන්න’. ඒ අම්මා උපුල්ගේ  අම්මාට වඩා වෙනස් තමයි නමුත් තාමත් දුක් විඳිනවා.