“කාදිනල්තුමාට කිසිම අවස්ථාවක දේපළ තම අරමුණු සඳහා භාවිතා කිරීමට කිසිදු අදහසක් නොතිබුණි,” කාදිනල්ගේ ප්‍රකාශක සිරිල් ගාමිණී ප්‍රනාන්දු පියතුමා නිවේදනයක් නිකුත් කරමින් පැවසීය.
“අගරදගුරුතුමා නීතිමය ක්‍රියාමාර්ග ගැනීමට ගත් තීරණය පිටුපස අරමුණ වූයේ ධීවර වරායේ පරිපාලනය සම්බන්ධයෙන් විනිවිදභාවය සහතික කිරීමයි. අතළොස්සක් ජනතාවක් එයින් ප්‍රයෝජන ලබනවා දකින්න අපට අවශ්‍ය නැහැ.” ප්‍රනාන්දු මහතා වැඩිදුරටත් පැවසීය.
මෙම ආරවුල සඳහා නෛතික පසුබිම 2023 පෙබරවාරි 2 දින අධිකරණ තීන්දුවක් දක්වා දිවෙන අතර, එමඟින් වරායේ කළමනාකාරිත්වය නම් කරන ලද අධිකාරියකට පැවරීම අනිවාර්ය විය. 1963 දී දිවංගත තෝමස් කුරේ කාදිනල්තුමා විසින් එක්සත් ධීවර සංගමයට වරාය පරිත්‍යාග කිරීමේදී පැනවූ කොන්දේසි කඩ කළ බවට එල්ල වූ චෝදනාවලින් පසුව මෙම පියවර ගෙන ඇත. ධීවර ප්‍රජාවගේ අයිතිවාසිකම් සහ අවශ්‍යතාවලට ගරු කරන යෝජනාවක් ඉලක්ක කර ගනිමින් ප්‍රාදේශීය සභා නියෝජිතයින් සමඟ සාකච්ඡා කර නීතිමය ක්‍රියාමාර්ග ගැනීමට සහ අධිකාරියක් පත් කිරීමට තීරණය කළ බව පල්ලිය අවධාරනය කරයි.
ප්‍රනාන්දු පියතුමාට අනුව මාන්කුලිය, තලාහේන සහ බසියවත්ත යන දේවස්ථානවල නියෝජිතයන්ගෙන් අදහස් විමසා මේ වන විටත් අගරදගුරුතුමා අධිකාරියක් පත් කර තිබෙන බවත් වාර්ථා වෙයි.
