සෞඛ්‍ය අමාත්‍යාංශයේ ලේකම් විශේෂඥ වෛද්‍ය පාලිත සඳහන් කළේ, එම කමිටුව අද පස්වරු 3.00 ට රැස්වීමට නියමිත බවයි.
ඔහු සඳහන් කළේ, සෞඛ්‍ය ක්ෂේත්‍රයේ පැන නැගී ඇති ගැටලු සම්බන්ධයෙන් එහිදී දීර්ඝ වශයෙන් සාකච්ඡා කිරීමට නියමිත බවයි.
සෞඛ්‍ය වෘත්තීය සමිති සන්ධානයේ යෝජනා සළකා බැලීමට පත් කළ විශේෂ කමිටුවට සෞඛ්‍ය අමාත්‍යවරයා, සෞඛ්‍ය අමාත්‍යාංශ ලේකම්වරයා සහ සෞඛ්‍ය වෘත්තීය සමිති සන්ධානයේ නියෝජිතයින් ඇතුළත්ය.
සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා සහ සෞඛ්‍ය වෘත්තීය සමිති සන්ධානය අතර ඊයේ (19) පෙරවරුවේ පැවති සාකච්ඡාවකදී එම කමිටුව පත් කෙරුණි.
වෛද්‍යවරුන් සඳහා වැඩි කළ රුපියල් 35,000ක ඩැට් දීමනාව තමන්ට ද ලබා දෙන්නැයි ඉල්ලා සෞඛ්‍ය වෘත්තීය සමිති 72ක් එක් ව පසුගිය සති කිහිපය තුළ අවස්ථා දෙකකදී වෘත්තීය සමිති ක්‍රියාමාර්ගවල නිරත විය.
මේ අතර සෞඛ්‍ය වෘත්තිය සමිති සන්ධානයේ සමකැඳවුම්කරු චානක ධර්මවික්‍රම සඳහන් කළේ, වෘත්තීය සමිති අද පැවැත්වෙන සාකච්ඡාවට සහභාගි වන බවයි.
-P.Mසෞඛ්‍ය ක්ෂේත්‍රයේ ඇති ගැටලු ගැන සාකච්ඡා කරන්න විශේෂ කමිටුව රැස්වේ
