අදාල සමාගම ආරම්භකර ඇත්තේ ආයෝජන මණ්ඩලයේ ව්‍යවසාය 300 වැඩසටහන (300 Enterprises Programme) යටතේ  2006 වසරේදීය.

එතෙක් මෙතෙක් ආයෝජන මණ්ඩලය විසින් ලබාදී ඇති සියළු බදු සහන ලබාගෙන ඇති මේ සමාගම එම සහන ලබාගෙන ඇත්තේ ආයෝජන මණ්ඩල කොන්දේසි උල්ලංඝනය කරමින් බව වාර්තා වේ.

අදාල සමාගම විසින් මූලික වශයෙන්  ආයෝජන මණ්ඩලය සමඟ එකඟවී ඇති කොන්දේසි අනුව සිය මෙහෙයුම් ක්‍රියාත්මක කිරීමට එකඟවී ඇත්තේ වීරවිල සිටය.

ඔවුන් ආයෝජන මණ්ඩලයට ඉදිරිපත් කර ඇති අයැදුම්පත්‍රය අනුව එහි යෝජිත ස්ථානය ලෙස දක්වා ඇත්තේ (Proposed Location - Weerawila) වීරවිල ලෙසය.

කෙසේවුවද එහි මෙහෙයුම් අදාල බලපත්‍රය ලබාගත් දින සිට ක්‍රියත්මකව ඇත්තේ රත්මලාන ගුවන් තොටුපල ආසන්නයේ සිටය.

අදාල අයදුම්පත්‍ර යේ 2.2 යන අනුඡේදයේ මේ බව දැක්වේ. (එහි පිටපතක් පහත දැක් වේ)

ආයෝජන මණ්ඩලයේ බලපත්‍රය ප්‍රයෝජනයට ගනිමින් ඔවුන් විසින් බදු සහන සහිතව 2006 වසරේදී තනි එන්ජිමේ ගුවන් යානා 3ක (Single Engine Aircraft), ද්විත්ව එන්ජින් සහිත ගුවන් යානා 01ක් (Twin Engine Aircraft) හා ද්විත්ව එංජින් සහිත බ්‍රමණක යාත්‍රවක් (හෙලිකොප්ටරයක්) (Twin Engine Rotorcraft) මෙරටට ගෙන්වා තිබේ.

අදාල යානා ගෙන්වීමට ආයෝජන මණ්ඩලය අවසර දී ඇත්තේ වීරවිලට වුවද මෙම යානා මේවන විට ඇත්තේ කටුකුරුන්දේ බවද පැවසේ.

(එම ගුවන් යානා ලබා ගැනීමට ආයෝජන මණ්ඩලයෙන් ලබාදුන් ලිපිය පහත දැක්වේ.)

ස්කයිලයින් සමාගමේ හිමිකරු ලෙස කටයුතු කරනු බලන්නේ කුරුකුලසූරිය ඇන්ටනි රොමේෂ් ප්‍රනාන්දු නැමැති අයෙකි.

ඔහුගේ මුල් ව්‍යාපාරය වී ඇත්තේ ඇඟළුම් කර්මාන්තය බවද වාර්තා වේ.

අදාල ආයතනයෙන් වානිජ ගුවන් නියමුවකු වීම සඳහා එම ආයතනයට රුපියල් ලක්ෂ 55ක මුදලක් එක් අයෙකු ගෙවිය යුතුවේ.

එය එකවර නොගෙවා කොටස් වශයෙන් ගෙවීමට අවස්ථාව සලසා ඇති අතර එලෙස මේ දක්වා ඉන් ගුවන් නියමු බලපත්‍ර ලබාගත් ගණන 250ක් බව එම ආයතනයේ ප්‍රකාශිකාවක් අප කළ විමසීමකදී කියා සිටියේය.

(srilankamirror.com)

ජායාරූප
01- මෙම ව්‍යාපෘතිය ලබාගැනීමට ඉල්ලුම් කළ අයැදුම්පත්‍රය