මෙම විදුලි ත්‍රිරෝද රථය Vega (“Speed”) සන්නාමය යටතේ නිශ්පාදනය වේ. Vega Engineering සමාගම, ත්‍රිරෝද රථවල පවතින අභ්‍යන්තර දහන එන්ජිම (ICE) විදුලි බලයෙන් ධාවනය කිරීමට පරිවර්තනය කිරීම මෙහිදී සිදුකරයි.
Vega සමාගමේ ELEKTRATEQ ත්‍රිරෝද රථයේ සම්පූර්ණ නිෂ්පාදන ක්‍රියාවලිය සිදු කරනු ලබන්නේ මෙම කර්මාන්තශාලා පරිශ්‍රය තුළය. අමතර කොටස් ආනයනය නොකරන බැවින් මෙය සම්පුර්ණයෙන්ම නැවත එකලස් කිරීමේ මෙහෙයුමක් නොවේ. (අනෙකුත් බොහෝ දේශීය මෝටර් රථ සහ යතුරුපැදි එකලස් කිරීමේ කම්හල් විසින් භාවිතා කරනු ලැබේ)
මෙම කර්මාන්ත ශාලාව නවීන තාක්ෂණය භාවිතයෙන් ස්වයංක්‍රීයව ක්‍රියාත්මක වන තහඩු කැපීමට සහ නැමීමට භාවිතා කරන යන්ත්‍ර සහ බැටරි නිෂ්පාදන යන්ත්‍ර ඇතුළු තාක්ෂණික උපාංග රැසකින් සමන්විත වේ. මෙම ත්‍රිරෝද රථවලින් සමහරක් දැනටමත් රටේ මාර්ගවල ධාවනය වේ. සියලුම සංරචක ශ්‍රී ලංකාව තුළ නිපදවා ඇති බැවින් මෙම ව්‍යාපෘතිය මගින් විදේශ විනිමය ද ඉතිරි වේ.
මීට අමතරව, දැනට පෙට්‍රල් හෝ ඩීසල් වලින් ධාවනය වන ත්‍රිරෝද රථයක් පැය දෙකක් වැනි කෙටි කාලයක් තුළ විදුලි බැටරි වලින් ක්‍රියා කරන බවට පරිවර්තනය කිරීමේ සියලු පහසුකම් මෙම කර්මාන්ත ශාලාව සතුව ඇත. මේ වන විටත් පෞද්ගලික මූල්‍ය ආයතනයක් සමඟ එක්ව මාසයක් තුළ ICE ත්‍රිරෝද රථ 100ක් බැටරි විදුලි බලය බවට පත් කිරීමේ ව්‍යාපෘතියක් මෙම කර්මාන්ත ශාලාවේ ක්‍රියාත්මක වේ. ත්‍රිරෝද රථ බැටරි පැකේජය කුඩා බැවින් (විශාල විදුලි මෝටර් රථයක හෝ SUV රථයක මෙන් නොව) විදුලි ත්‍රිරෝද රථයක් ගෘහස්ථ සොකට් එකක් භාවිතයෙන් එක රැයකින් පහසුවෙන් ආරෝපණය කළ හැකිය.
මාකුඹුර බහුවිධ ප්‍රවාහන මධ්‍යස්ථානය (MMTC) අසල මගී ප්‍රවාහන සේවාවල යෙදී සිටින ලියාපදිංචි ත්‍රිරෝද රථ විදුලි බැටරිවලින් ධාවනය කිරීමට කටයුතු කරන ලෙස ද අමාත්‍ය ආචාර්ය ගුණවර්ධන මහතා නිලධාරීන්ට උපදෙස් දුන්නේය.
