මහජන ආරක්ෂක අමාත්‍ය ටිරාන් අලස් පැවසුවේ, උපරිම ධාරිතාවයෙන් මෙහෙයුම් ක්‍රියාත්මක කිරීමට නියමිත බවයි.
ඒ සඳහා අවශ්‍ය සියලු සැලසුම් මේ වන විට සකස් කර අවසන් බවද අමාත්‍යවරයා ප්‍රකාශ කළේ ය.
දකුණු පළාත ආශ්‍රිතව වාර්තාවන සංවිධානාත්මක අපරාධ ක්‍රියා මැඩලීමේ අරමුණින් මෙම මෙහෙයුම ක්‍රියාත්මකයි ,
මේ අතර ජාත්‍යන්තරයෙන් බලපෑම් පැමිණියද මත්ද්‍රව්‍ය හා පාතාලය මෙරටින් තුරන් කරන තෙක් යුක්තිය මෙහෙයුම ක්‍රියාත්මක කරන බව මහජන ආරක්ෂක අමාත්‍ය ටිරාන් අලස් පවසයි.
අමාත්‍යවරයා ඒ බව පැවසුවේ, කිලිනොච්චි සහ මුලතිව් දිස්ත්‍රික්කවල ප්‍රජා පොලිස් කමිටු සාමාජික හමුවට එක් වෙමින් ය.
මාස තුනක් ඇතුළත යුක්තිය මෙහෙයුම හරහා රුපියල් මිලියන 8634 ක මත්ද්‍රව්‍ය අත්අඩංගුවට ගෙන ඇතැයි පොලිස්පති දේශබන්දු තෙන්නකෝන් පවසයි.
පොලිස්පතිවරයා සඳහන් කළේ, මත්ද්‍රව්‍ය ජාවාරමේ නිරත පුද්ගලයින්ගේ දේපොළ ද පොලිසිය භාරයට ගෙන ඇති බවයි.
-P.M
