එම යෝජනා මැයි මස 1 වැනිදා කොමිසමට ලබාදීමට නියමිතව තිබුණද, විදුලිබල මණ්ඩලයේ ඉල්ලීමක් මත එම කාලය පසුගිය 10 වැනිදා දක්වා දීර්ඝ කිරීමට මහජන උපයෝගීතා කොමිෂන් සභාව කටයුතු කලේය.
එහි සභාපති මහාචාර්ය මංජුල ප්‍රනාන්දු කියා සිටියේ පසුගිය 10 වෙනිදා ද ලංකා විදුලිබල මණ්ඩලය අදාළ යෝජනා කොමිසමට ඉදිරිපත් නොකළ බවයි.
කොමිසම යෝජනා ඉදිරිපත් කිරීම සම්බන්ධයෙන් විදුලිබල මණ්ඩලයට යළි සිහිකැඳවීමක්ද කර තිබේ.
ඒ පිළිබඳ වන යෝජනා ලැබීමෙන් පසු විදුලි බිල අඩු කිරීම සඳහා ක්‍රියාදාමය ආරම්භ කිරීමට නියමිත බවයි මහජන උපයෝගීතා කොමිෂන් සභාව සඳහන් කළේ.
ඒ අනුව විදුලිය බිල අඩු කිරීමේ ප්‍රතිශතය ලබන ජුලි මාසයේදී ප්‍රකාශයට පත්කිරීමට නියමිතය
