උසස් පෙළ ප්‍රතිඵල ඉදිරි දෙසතිය ඇතුළත නිකුත් කිරීමට නියමිත නමුත් විශ්වවිද්‍යාලවලට සිසුන් ඇතුළත් කිරීමේ අයදුම්පත්‍රය ඇතුළත් අත්පොත මුද්‍රණය කර ගැනීමට විශ්වවිද්‍යාල ප්‍රතිපාදන කොමිෂන් සභාවට මෙතෙක් නොහැකි වීම මීට හේතු වී ඇත.
ආරම්භ කර තිබෙන වර්ජනය ඊට හේතුව වන අතර අද හෙට වර්ජනය නතර කළ ද පොත මුද්‍රණය කර නිකුත් කිරීමට අවම වශයෙන් මාසයක පමණ කාලයක් ගත වන බවත් අත්පොත නිකුත් නොකර මාර්ගගත ක්‍රමයට අයදුම්පත් කැඳවීමට නොහැකි බවත් එහි ආරංචි මාර්ග කීවේය.
කෘෂිකර්ම පීඨයන්හි ගොවිපළවල සිටින සතුන්ට ආහාර ලබා දීම හැර ජලය විදුලිය සැපයීම ඇතුළු සෙසු සියලු කටයුතුවලින් අනධ්‍යයන කාර්ය මණ්ඩල මේ වන විට ඉවත්ව සිටියි.
ඇතැම් පීඨවල සිසුන්ගේ දේශන මාර්ගගත ක්‍රමයට පැවැත්වෙන අතර පැවැත්වීමට නියමිතව ඇති විභාග කල් දැමීමට විශ්වවිද්‍යාලවලට සිදුව තිබේ. පවතින මූල්‍ය තත්ත්වය මත අනධ්‍යයන කාර්ය මණ්ඩල ඉල්ලීම් ලබා දීමට නොහැකි බව මුදල් අමාත්‍යාංශ ආරංචි මාර්ග පැවසීය.
සිය ඉල්ලීම් සඳහා පිළිගත හැකි විසඳුමක් ලැබෙන තෙක් වර්ජනය අත්නොහරින බව මේ සම්බන්ධයෙන් අප කළ විමසුමකට පිළිතුරු දුන් අන්තර් විශ්වවිද්‍යාල වෘත්තීය සමිති ඒකාබද්ධ කමිටුවේ සම සභාපති ධම්මික එස්. ප්‍රියන්ත පැවසීය.
ඉකුත් 2016 වසරේ රාජ්‍ය සේවකයන්ට කළ වැටුප් වැඩි කිරීමේදී අහිමි වූ සියයට පහළොවක වැටුප් වැඩි වීම ලබා දීම ඇතුළු ඉල්ලීම් කිහිපයක් මුල් කර ගනිමින් අනධ්‍යයන කාර්ය මණ්ඩල මෙම වර්ජනය ආරම්භ කළේ ඉකුත් 9 වැනිදා ය.
- අරුණ
