ශ්‍රී ලංකාව 2032 බ්‍රිස්බේන් ඔලිම්පික් තරගාවලියේදී ‘පදක්කම් දිනන රටක්’ ලෙස අදිටන් කරගනිමින් පෞද්ගලික අංශයේ සහ සිවිල් සමාජයේ සහයෝගය ඇතිව ඒකාබද්ධ වැඩසටහනක් ක්‍රියාත්මක කිරීමට අධ්‍යාපන අමාත්‍යංශය සහ ක්‍රීඩා හා යෞවන කටයුතු අමාත්‍යංශය විසින් සැලසුම් කරනු ලැබ තිබේ.
එසේ ම, කුසලතා දක්වන ක්‍රීඩක ක්‍රීඩිකාවන් 2028 වසරේ ලොස් ඇන්ජලීස්හිදී පැවැත්වීමට නියමිත ඔලිම්පික් උළෙලට සහභාගී කරවා සැලකිය යුතු පරිසාධන මට්ටමක් ළගා කර ගැනීම සඳහා ඔවුන්ට අවස්ථාව සලසා දීමට රජයේ අපේක්ෂාව වේ.
ඒ අනුව, එම අරමුණු සාක්ෂාත් කර ගැනීම සඳහා යෝජිත වැඩසටහන ක්‍රියාත්මක කිරීමට අධ්‍යාපන අමාත්‍ය සුසිල් ප්‍රේමජයන්ත සහ ක්‍රීඩා හා යෞවන කටයුතු අමාත්‍ය හරීන් ප්‍රනාන්දු ඒකාබද්ධව ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමි විය.
-P.M
