ගොවියා වෙනුවෙන් ජීවිතයම කැප කළ සරත් ප්‍රනාන්දු අභාවප්‍රාප්ත වෙයි

Published in පුවත්
Monday, 08 September 2014 09:10

ජනතා විමුක්ති පෙරමුණ මෙහෙයැවූ හැත්තෑ එකේ කැරැල්ලෙන් බිහිවූ ශ්‍රී ලංකාවේ කෘෂිකර්මාන්තය සම්බන්ධයෙන් විශිෂ්ඨ ඝනයේ විකල්ප බුද්ධිමතෙක් වූ සරත් ප්‍රනාන්දු ඊයේ (07) රාත්‍රී වැළැඳුනු හෘදයාබාධයක් හේතුවෙන් අභාවප්‍රාප්ත විය.

හැත්තෑ එකේ කැරැල්ලේදී කුරුණෑගල ප්‍රදේශයේ නායකයා වූ සරත් ප්‍රනාන්දු වාමාංශික පවුලකින් පැවැත එන්නෙකි. ඔහුගේ පියා පළාතේ සිටි සමසමාජ නායකයෙක් වූ අතර දේශීය වෛද්‍යවරයෙක්ද විය. 


විමල් ප්‍රනාන්දු, සරත් ප්‍රනාන්දු, පැට්‍රික්  ප්‍රනාන්දු යන පුතුන් තිදෙනාම 71 කැරැල්ලට සම්බන්ධ වූයේ සරසවි සිසුන් ලෙසය. දරුවන් කැරැල්ලට සම්බන්ධ වීම නිසා පියාට හිමිව තිබූ සියළු දේපොල ගිනි තබා විනාශ කළෙන් පසුව ඔවුන් කුරුණෑගල අත්හැර දා මොරටුව ප්‍රදේශයේ පදිංචි වූහ.

වසර ගණනක සිරගත ජීවිතයකින් පසුව විමල් ප්‍රනාන්දු 'පෙරදිග සුළං' නමින් දේශපාලන ව්‍යාපාරයක් ආරම්භ කළ අතර පැට්‍රික්  ප්‍රනාන්දු 'ජනතා සංගමය' නමින් දේශපාලන ව්‍යාපාරයක් ආරම්භ කෙළේය. සරත් ප්‍රනාන්දු ලංකාවේ ගොවි ජනතාව වෙනුවෙන් ස්වේච්ඡා ව්‍යාපාරයක් ආරම්භ කළ අතර එය නමින් මොන්ලාර් MONLAR හෙවත් ජාතික ඉඩම් සහ කෘෂිකර්ම ප්‍රතිසංස්කරණ ව්‍යාපාරය Movement for National Land and Agricultural Reform විය. අයියා සහ මල්ලී ආරම්භ කළ 'පෙරදිග සුළං' සහ 'ජනතා සංගමය' අතර මගදී දියවී ගියද සරත් ප්‍රනාන්දු ආරම්භ කළ ස්වේච්ඡා ව්‍යාපාරය අද දක්වාම පවත්වාගෙන යන්නකි

ආසියාතික ගොවියාගේ දුගී කම ඉවත් කළ හැක්කේ කෙසේද යන්න ගැන ඔහු විසින් ඉදිරිපත් කරන ලද විකල්ප මත සම්බන්ධයෙන් ලෝකයේ විශේෂ අවධානය යොමු වීම නිසා මොන්ලාර් සංවිධානයට එදා සිට අද දක්වාම විශාල මෙහෙයක් සිදු කිරීමට හැකිවිය. ආහාර සුරක්ෂිතාවය වැඩි දියුණු කිරීම, පෝෂ්‍යදායී ආහාර නිෂ්පාදනය ආදිය සම්බන්ධයෙන් ඔහු ලෝකයට ඉදිරිපත් කළ විකල්ප මත වලට ජාත්‍යන්තරයේ වැදගත් අවධානයක් යොමු වූයෙන් ආසියා අප්‍රිකා වන පර්යේෂන ආයතනයේ සභාපතිවරයා ලෙස ද සරත් ප්‍රනාන්දුව තෝරාගත්තේය.

ශ්‍රී ලංකාවේ ජාතික ප්‍රශ්නය ඇතුළු රටේ සියළු ගැටළුකාරී අවස්ථාවන්හිදී වාමාංශික බුද්ධිමතෙකු ලෙස පෙනී සිටි සරත් ප්‍රනාන්දු මුළු ජීවිත කාලය පුරාම අල්පේච්ඡ ජීවිතයක් ගත කළ අයෙකි. 

පසුගිය කාලයේ තමන් ආරම්භ කරන ලද මොන්ලාර් සංවිධානයෙන් විශ්‍රාම ලබා කුරුණෑගල ගම් පියසට වී නිදහසේ කාලය ගත කළ අතර ඊයේ රාත්‍රියේ හදිසියේ අප අතරින් වෙන්විය. ගොවි ජනතාව වෙනුවෙන් මුළු ජීවිතයම කැප කළ සරත් ප්‍රනාන්දු දිවියෙන් සමුගන්නා විට හැත්තෑ වැනි වියේ පසුවිය.

සරත් ප්‍රනාන්දු මහතාගේ අවසන් කටයුතු පිළිබඳව පසුව දැනුම්දෙනු ඇත. 

Leave a comment

ld add copy

Gossip

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ශලනි තාරකා දැන් එයාගේ ජීවිතේ අලුත් පිටුවක් පෙරලමින් ඉන්නේ විවාහයත් එක්ක. ජනප්‍රියම නිළිය විදියට තවමත...

ටිල්වින් ඉවත් වෙයි..බිමල් එයි?   

ටිල්වින් ඉවත් වෙයි..බිමල් එයි?  

ජනතා විමුක්ති පෙරමුණේ ලේකම් ටිල්වින් සිල්වා මහතා මෙතෙක් කල් තමන් දැරූ තනතුරෙන් ඉවත්ව එම වගකීම් සියල්...

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

ඉදිරි මැතිවරණ ජයග්‍රහණය සඳහා සමගි ජනබලවේගය මෙහෙයවීමට නායකත්ව මණ්ඩලයක් පත් කිරීමට යෝජනා වී ඇතැයි දේශය...

අනං මනං

Connet With Us