මුදල් හා ක්‍රමසම්පාදන අමාත්‍යාංශය පවසන්නේ මේ වසරේ යල කන්නයේ දේශීය අර්තාපල් අස්‌වැන්න ඉදිරි සතිය වන විට විශාල වශයෙන් වෙළෙඳ පොළට පැමිණෙන නිසා දේශීය පරිභෝජනයට අවශ්‍ය අර්තාපල් තොග දේශීය වශයෙන් සපයා ගත හැකි බැවින් මේ තීරණය ගත් බවයි.
මෙවර යල කන්නයේදී අර්තාපල් මෙටි්‍රක්‌ ටොන් 100,000 ක පමණ අස්‌වැන්නක්‌ බදුල්ල සහ නුවරඑළිය යන දිස්‌ත්‍රික්‌කවලින් අපේක්‍ෂා කෙරෙන අතර එය ගිය වසරේ (2013) යල කන්නයට සාපේක්‍ෂව සියයට 100 ක වැඩිවීමකි.
2014 අයවැය මගින් අර්තාපල් කිලෝ ග්‍රෑමයක්‌ සඳහා රු80 ක සහතික මිලක්‌ නියම කිරීම, සහතික මිලට අර්තාපල් මිලදී ගැනීම සඳහා ලංකා සතොස ආයතනය සමග ඉදිරි වෙළෙඳ ගිවිසුම්වලට එළැඹීම, ඉහළ ඵලදාවක්‌ සහිත දේශීය බීජ අර්තාපල් බීජ ප්‍රචලිත කිරීම හා සහනදායි වගා ණය ලබාදීම වැනි රජය ගත් ක්‍රියා මාර්ගවල ප්‍රතිඵලයක්‌ ලෙස මෙසේ අර්තාපල් නිෂ්පාදනය දෙගුණ වී ඇතැයිද මුදල් අමාත්‍යාංශය කියයි.
