හෙට පෙරවරුවේ සුබමොහොතින් සිය පක්ෂයේ ජනාධිපති අපේක්ෂකයා ප්‍රකාශයට පත්කරන බව එම පක්ෂයේ මහලේකම් නීතීඥ සාගර කාරියවසම් මහතා ප්‍රකාශ කළේය.
ශ්‍රී ලංකා පොදුජන පෙරමුණේ නෙළුම් මාවතේ පිහිටි ප්‍රධාන පක්ෂ කාර්යාලයේ පැවැත්වෙන විශේෂ උත්සවයක දී ජනාධිපති අපේක්ෂකයා ප්‍රකාශයට පත්කිරීමට නියමිතව තිබේ.
ඉදිරි ජනාධිපතිවරණය සදහා ශ්‍රී ලංකා පොදුජන පෙරමුණෙන් වෙනම අපේක්ෂකයෙකු ප්‍රකාශයට පත්කිරීමට එම පක්ෂයේ දේශපාලන මණ්ඩලය පසුගියදා පියවර ගනු ලැබීය.
එම තීරණයත් සමග පක්ෂයේ මන්ත්‍රීවරුන් පිරිසක් ජනාධිපති රනිල් වික්‍රමසිංහ මහතාට සහය පළකිරීමට තීරණය කළ අතර එලෙස ජනාධිපතිවරයාට සහය පළකිරීමට ඉදිරිපත් වූ මන්ත්‍රීවරුන්ගේ ආසන සංවිධායක ධුර ද ඉවත් කිරීමට ශ්‍රී ලංකා පොදුජන මේ වන විට කටයුතු කර තිබේ. කෙසේ නමුත් මේ වන විට පොහොට්ටු පක්ෂයේ බහුතර මන්ත්‍රීවරුන්ගේ සහය ජනාධිපති රනිල්ට හිමිව ඇත.
මේ අතර මෙම තීරණයට සම්බන්ධයෙන් රාජපක්ෂ පවුල තුළද එකඟතාවයක් නැති බව වාර්තාවෙයි. මෙ තීරණය නාමල් සහ බැසිල් ගත් එකක් වන අතර පක්ෂ නායක මහින්ද රාජපක්ෂගේ කැමැත්ත ඊට හිමිව නැති බවත් මේ අනුව මැතිවරණ ප්‍රචාරක කටයුතු වෙනුවෙන් මහින්ද රාජපක්ෂ සහභාගී නොවන බවද පක්ෂයට දන්වා ඇතැයි දැන ගැනීමට ඇත.
-P.M
