මහාචාර්ය සිල්වා මහතා එසේ පැවසුවේ ඊයේ (15) මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යාංශය සහ එක්සත් ජාතීන්ගේ ජනගහන අරමුදල (UNFPA) ශ්‍රී ලංකාව විසින් සංවිධානය කරන ලද “අනාගතය හැඩගැස්වීම: ශ්‍රී ලංකාවේ ජනගහන ගතිකත්වය” මැයෙන් ප්‍රතිපත්ති සංවාදයකදීය.
අපේක්ෂා කළ හැකි අනාගතයේදී ශ්‍රී ලංකාවේ සමස්ථ සශ්‍රීකත්ව අනුපාතය (TFR) ප්‍රතිස්ථාපන මට්ටම replacements වන සියයට 2.1 දක්වා ළඟා වනු ඇතැයි සිතිය නොහැකි බව ඔහු පැවසීය.
මෙම තත්ත්වය සම්පූර්ණයෙන්ම සෘණාත්මක දෙයක් ලෙස නොසැලකිය යුතු බව මහාචාර්ය ද සිල්වා මහතා පැවසීය.
“බොහෝ විවාහකයන් ගැබ්ගැනීම් වළක්වා තියනවා. දෙමව්පියන්ට ඔවුන් සිටින ළදරුවන් සඳහා වැඩි සම්පත් ආයෝජනය කරන්න පුලුවන්. අපට උසස් තත්ත්වයේ ජනගහනයක් ඇති කළ හැකිය. මෙය ප්‍රමාණය හා ගුණාත්මකභාවය පිළිබඳ ප්‍රශ්නයක්, වයෝවෘද්ධ ජනගහනය දැන් මිලියන 3.6 ක් වෙලා. ඉදිරි දශක කිහිපය තුළ එම සංඛ්‍යාව වැඩි වෙන්නත් පුලුවන්. ”ඔහු පැවසීය.
ජාතික සැලසුම් දෙපාර්තමේන්තුවේ අධ්‍යක්ෂ ජනරාල් අනුරාධ කුමාරසිරි, ජාතික ලිංගාශ්‍රිත රෝග/ඒඩ්ස් මර්දන වැඩසටහනේ අධ්‍යක්ෂ වෛද්‍ය වින්ද්‍යා කුමාරපේලි, IPS ආයතනයේ සංක්‍රමණ හා නාගරීකරණ ප්‍රතිපත්ති පර්යේෂණ ප්‍රධානී ආචාර්ය බිලේෂා වීරරත්න යන මහත්ම මහත්මීහු ද මෙහිදී අදහස් දැක්වූහ.
