කෙසේ වෙතත් විදේශ කටයුතු අමාත්‍යාංශය නිවේදනයක් නිකුත් කරමින් සදහන් කර තිබෙන්නේ එල්ටීටීඊ සංවිධානය සම්බන්ධයෙන් කැනඩාව ගත් තීරණය ශ්‍රී ලංකාවේ පැසසුමට ලක් වන බවයි
එල්ටීටීඊ සංවිධානයට අමතරව ලෝක දමිල ව්‍යාපාරය ද මෙලෙස තවදුරටත් ත්‍රස්තවාදී සංවිධානයක් ලෙස හඳුන්වන බව කැනඩාව ප්‍රකාශයට පත්ර තිබේ.
එල්ටීටීඊ සංවිධානය තවදුරටත් අරමුදල් රැස් කිරීමහා ප්‍රසම්පාදන ජාලයක් ක්‍රියාත්මක කරන බවට කැනඩාව මෑතකදී සිදු කළ පරික්ෂණයකින් අනාවරණය වීමත් සමග මෙම තීරණය ගෙන තිබේ.
එමෙන්ම ලෝක දමිල ව්‍යාපාරය එල්ටීටීඊ සංවිධානයේ ක්‍රියාකාරකම් සදහා පහසුකම් සළසන බවට එහිදී හෙළි වී තිබෙන අතර කැනඩාව සිදු කළ පරික්ෂණය අනුව එල්ටීටීඊ සංවිධානය තවදුරටත් තර්ජනයක් වන බවට තහවුරු වී තිබේ.
කැනඩා රජය විසින් එල්ටීටීඊය අඛණ්ඩව මෙලෙස ලැයිස්තුගත කිරීම මෑත කාලයේ එල්ටීටීඊයට එරෙහි ව සිදු වූ අඛණ්ඩ තුන්වන තහනම වේ,
