අද (20) කෘෂිකර්ම හා වැවිලි කර්මාන්ත අමාත්‍යාංශයේ දී පැවැති මාධ්‍ය හමුවක් අමතමින් අමාත්‍යවරයා මෙම අදහස් ප්‍රකාශ කළේය.
එහි දී අමාත්‍යවරයා සඳහන් කළේ වගා කන්න පහක් තුළ වී අස්වැන්න දෙගුණයක් බවට පත් කිරීම සඳහා රජය විසින් වැඩ පිළිවෙළක් ක්‍රියාත්මක කර තිබෙන අතර වී වගාවට අවශ්‍ය පොහොර කලට වේලාවට යෙදීම කළ යුතු බවයි.
දැනට පොහොර මිල දී ගැනීම සඳහා ලබා දෙන රුපියල් 10,000ක මුදල කිසිසේත්ම ප්‍රමාණවත් නැති බව රජය වටහා ගෙන ඇතත් පැවැති ආර්ථික තත්ත්වය මත ඊට වඩා වැඩි මුදලක් ලබා දීමේ හැකියාවක් ද නොමැති බව ද අමාත්‍යවරයා පැවසීය.
එමනිසා ලබන වසරේ යල කන්නයේ සිට පොහොර සහනාධාර මුදල රුපියල් 30,000ක් දක්වා වැඩි කිරීම සඳහා රජයට යෝජනා ඉදිරිපත් කළ බවත් දිරි මහ කන්න දෙකේ දී MOP පොහොර මෙට්‍රික් ටොන් 55,000ක් ගොවි ජනතාවට නොමිලයේ ලබා දීමට ද නියමිත බවත් අමාත්‍යවරයා සඳහන් කළේය
