බොක්සිං කී‍්‍රඩිකා සරීටා දේවි තමන්ට හිමිවූ පදක්කම ප‍්‍රතික්‍ෂේප කරමින් අවධාරණය කළේ අවසන් පූර්ව තරගයේදී තමා ලැබූ පරාජයට විනිසුරුවරුන් වගකිව යුතු බවයි.


කිලෝග‍්‍රෑම් 57 - 60 සැහැල්ලූ බර පංතිය යටතේ තරග වැදුනු ඇය දකුණු කොරියානු කී‍්‍රඩිකාව හමුවේ එක ලකුණකින් පරාජයට පත් විය. ඒ අනුව සරීටා දේවිට හිමි වුයේ ලෝකඩ පදක්කමය.


පදක්කම් ප‍්‍රදානෝත්සවයේදී ඇය තමන්ට හිමිවූ ලෝකඩ පදක්කම, එම ඉසව්වේ රිදී පදක්කම ජයග‍්‍රහණය කළ දකුණු කොරියානු කී‍්‍රඩිකාවට පිරි නැමීමට කටයුතු කළාය. පසුව දකුණු කොරියානු කී‍්‍රඩිකාව යළි එම පදක්කම සරීටා දේවිට ලබාදීමට උත්සාහ කළත් ඇය විසින් එය වළක්වනු ලැබුවාය. 


මේ අතර සරීටා දේවි පරාජයට පත් වූ තරගයේදී විනිසුරුවන් ලබාදුන් තීරණයට විරෝධය පළ කරමින් ඉන්දීය කි‍්‍රඩා බලධාරීන් ජාත්‍යන්තර ආධුනික බොක්සිං සංගමයට අභියාචනයක් කළද එය ප‍්‍රතික්‍ෂේප විය.