ඒ මෙරට අත්අඩංගුවට පත්වී ඇති සිය ධීවර බෝට්ටු මුදා ගැනීමේ අරමුණිනි. ඔවුන් ප‍්‍රකාශ කර ඇත්තේ ශ්රී ලංකා මුුහුදු සීමාව ආක‍්‍රමණය කිරීම හේතුවෙන් ඉන්දීය ධීවර බෝට්ටු 79ක් ශ්රී ලංකාවේ රදවා ඇති බවයි.
ඉන්දීය භාරතීය ජනතා පක්ෂය නියෝජනය කරන සුබ‍්‍රමනියම් ස්වාමි මුණ ගැසීම සඳහා ඔවුන් පැමිණ ඇත්තේ තමිල්නාඩුවේ භාරතීය ජනතා පක්ෂ නායක එච්. රාජා සමඟය.
ධීවර බෝට්ටු මන්නාරම, කන්කසන්තුරේ සහ ති‍්‍රකුණාමල වරාය සහ තොටුපළවල රදවා ඇති බවත්, මෝසම් කාලගුණයෙන් ඒවාට හානි සිදුවන බවටත් ඔවුන් සුබ‍්‍රමනියම් ස්වාමි වෙත භාර දුන් සංදේශයේ සඳහන් වී ඇති බව වාර්තා වේ.
සුබ‍්‍රමනියම් ස්වාමි එම ධීවරයන්ට දැනුම් දී අැත්තේ මීළඟ ශ්රී ලංකා සංචාරයේදී ජනාධිපති මහින්ද රාජපක්ෂ මහතා සමඟ ඒ පිළිබදව සාකච්ඡා කිරීමට සූදානම් බවය.
