පුජ්‍ය අතුරලියේ රතන හිමියන් හා හිටපු අගවිනිසුරු සරත් නන්ද සිල්වා මහතා පසුගිය සඳුදා (27) පස්වරුවේ ශ්‍රී ලංකා නිදහස් පක්ෂ මුලස්ථානයේ දී අමාත්‍ය බැසිල් රාජපක්ෂ මහතා හමුවී සාකච්ජා කල අවස්ථාවේදී මෙම පොරොන්දුව ලබාදී ඇත.
මෙම සාකච්ජාවේදී එම ව්‍යවස්ථා කෙටුම්පත අගය කර ඇති ඇමතිවරයා, ජනාධිපතිවරණයට පෙර ජනාධිපති ක්‍රමය හා මැතිවරණ ක්‍රමය සංශෝධනය කිරීම සම්බන්ධයෙන් විශේෂ අවධානයක් යොමුකර කටයුතු කරන බව දැනුම්දී තිබේ.
තමන් වහන්සේ විසින් ඉදීරිපත් කරන ලද ව්‍යවස්ථා කෙටුම්පත ගැඹුරින් අධ්‍යනය කර තිබීම ගැන රතන හිමියන් මෙහිදී බැසිල් ඇමතිවරයාට ස්තුතිය පළකර ඇත.
කෙසේවුවද, බිබිසි සංදේශය වෙත අදහස් දැක්වූ පූජ්‍ය අතුරලියේ රතන හිමියෝ, ජනාධිපතිවරණයට පෙර ව්‍යවස්ථා සංශෝධනයක් ගෙන ඒවිද යන්න සැක සහිත බව පැවසුහ.
නමුත්, ඉහලම බලපෑමක් යොදවා ව්‍යවස්ථා සංශෝධනය සිදු කරවා ගැනීමට තමන් උත්සාහ දරන බවද උන්වහන්සේ තවදුරටත් ප්‍රකාශ කළහ.
