එසේම දේශපාලන පක්ෂ ලේකම්වරුන් ද එදින පස්වරුවේ මැතිවරණ මහලේකම් කාර්යාලයට කැදවා තිබෙන අතර මෙහිදී ද ඉදිරි මැතිවරණය සම්බන්ධයෙන් සාකච්ඡා කිරීමට නියමිතය.
තව ද 2014 ඡන්ද හිමි නාම ලේඛනය සම්බන්ධයෙන් ද මෙහිදී සාකච්ඡා කෙරේ. මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්පති ගාමිණී නවරත්න ද මෙම සාකච්ඡාව සඳහා මැතිවරණ මහලේකම් කාර්යාලය වෙත කැදවා තිබේ.
එමෙන්ම ඉදිරි මැතිවරණයක් පිළිබඳව රජය මගින් සිදුකළ ඇඟවීම් අනුව මැතිවරණයක් සඳහා සූදානම් වීමක් ලෙස මැතිවරණ දෙපාර්තමේන්තුවේ නිලධාරීන්ගේ නිවාඩු ඊයේ (17) දින සිට අවලංගු කර ඇත.
මැතිවරණය සදහා සුදානම් වීමත් ඊට අදාළ කටයුතු බහුල වීම මත මැතිවරණ දෙපාර්තමේන්තුවේ නිලධාරින්ගේ සියළු නිවාඩු අවලංගු කර ඇති බව මැතිවරණ දෙපාර්තමේන්තුවේ නිලධාරියෙකු සදහන් කලේය.
