ප්‍රබල ඇමැතිවරුන් සහ ආණ්‌ඩුවේ දිස්‌ත්‍රික්‌ නායකයන් කිහිප දෙනෙක්‌ද මේ පිරිසට අයත් බව පැවසේ.

මේ අතර විපක්‍ෂයට යන බව පැවසෙන අය තවදුරටත් ආණ්‌ඩු පක්‍ෂයේ රඳවා ගැනීම සඳහා ආණ්‌ඩුවේ තවත් ප්‍රබලයන් පිරිසක්‌ එසේ යන බවට සැකකරන අය සමග සාකච්ඡා වට කිහිපයක්‌ද පවත්වා ඇතැයි දැනගන්නට තිබේ.

එක්‌සත් ජාතික පක්‍ෂයෙන් ආණ්‌ඩුවට සම්බන්ධවී ඇමැති ධුර දැරූ කිහිප දෙනෙක්‌ද මේ අතර සිටින බව සඳහන් වේ. 


විශේෂයෙන්ම ඉදිරි මහ මැතිවරණයකදී එම පිරිසට ආණ්‌ඩු පක්‍ෂයෙන් තරග කර පාර්ලිමේන්තුවට පිවිසීමට ඇති අපහසුතාව මෙලෙස එම පිරිස්‌ යළි එජාපයට එක්‌වීමට හේතුව බවද තවදුරටත් පැවැසේ.

මතුව ඇති වර්තමාන තත්ත්වය හමුවේ හදිසි කැබිනට්‌ සංශෝධනයක්‌ කිරීමට නියමිත බව දේශපාලන ආරංචි මාර්ග පවසයි. මෙහිදී මෙතෙක්‌ එතරම් වැදගත් ඇමැති ධුර හිමිව නොතිබූ ශ්‍රීලනි පක්‍ෂයේ ප්‍රබලයන්ට ඉදිරියේදී ප්‍රධාන පෙළේ ඇමැති ධුර ලැබීමට නියමිත බවද එම ආරංචි මාර්ගවලින් පැවසේ.

එසේම ජනාධිපතිවරයා සතුව පවතින අමාත්‍යාංශ සහ චම්පික රණවක ඇමැතිවරයා විසින් දරන ලද අමාත්‍යාංශය සහ විපක්‍ෂයට එක්‌වන බවට පැවසෙන ඇමැතිවරුන්ගේ අමාත්‍යාංශ මෙලෙස ශ්‍රීලනිප ප්‍රබලයන්ට ලබාදීමට නියමිතය.