නේපාලයේ කත්මන්ඩු නුවර පැවැත්වෙන 18 වන සාර්ක් රාජ්‍ය නායක සමුළුව සඳහා දකුණු ආසියානු කලාපයේ රාජ්‍ය නායකයින් ඇතුළු නියෝජිතයින් රැසක් සහභාගී වී සිටිති.
ජනාධිපති මහින්ද රාජපක්ෂ මහතා සාර්ක් රාජ්‍ය නායක සමුළුව ඇමතීමට නියමිත අතර මෙම සංචාරයේ දී රාජ්‍ය නායකයින් කිහිපදෙනෙකු සමග ද්වීපාර්ශවික සාකච්ඡා පැවැත්වීමට ද නියමිත බව ජනාධිපති මාධ්‍ය අංශය සඳහන් කළේය.
කලාපීය රටවලට බලපාන පොදු ගැටළු රැසක් සම්බන්ධයෙන් මෙවර සමුළුවේදී විශේෂ අවධානයක් යොමු කෙරේ.මෙවර සාක් සමුළුවේ තේමාව වන්නේ සාමය සමෘද්ධිය වෙනුවෙන් සාමුහිකව ක‍්‍රියා කරමු යන්නය.
