තමිල්නාඩු ප්‍රධාන අමාත්‍ය ඕ.පනීර් සෙල්වම් ඊයේ දිනයේ දී අග්‍රාමාත්‍ය නරේන්ද්‍ර මෝඩිගෙන් මෙම ලිඛිත ඉල්ලීම කර ඇති බව ඉන්දීය මාධ්‍ය වාර්තා කළේය.
පසුගිය ඉරිදා දිනයේ අත්අඩංගුවට ගත් ධීවරයින් 14 දෙනා සමඟ මේ වන විට ඉන්දීය ධීවරයින් 38 දෙනෙකු මෙරට අත්අඩංගුවේ සිටිති.
ඊට අමතරව ඉන්දීය ධීවර යාත්‍රා 78ක් ද ශ්‍රී ලංකා ආරක්ෂක අංශ භාරයේ ඇති බව තමිල්නාඩු ප්‍රධාන අමාත්‍යවරයා පෙන්වාදෙන්නේය.
අදාළ ධීවරයින් සහ යාත්‍රා නිදහස් කරගැනීමට කඩිනමින් පියවර ගන්නා ලෙස තමිල්නාඩු ප්‍රධාන අමාත්‍යවරයා අග්‍රාමාත්‍යවරයාගෙන් ඉල්ලා ඇති බව ඉන්දීය මාධ්‍ය වාර්තා කළේය.
මේ අතර මෙරට දී මරණ දණ්ඩනය නියම වු ඉන්දීය ධීවරයින් පස් දෙනා නිදහස් කරගැනීමට පියවර ගැනීම සම්බන්ධයෙන් තමිල්නාඩු ප්‍රධාන අමාත්‍ය ඕ.පනීර් සෙල්වම් නරේන්ද්‍ර මෝඩිට සිය ස්තූතිය පළ කර ඇත
නාවික හමුදාව විසින් පෙරේදා රාත‍්‍රියේදී මෙම ඉන්දීය ධිවරයින් දා හතර දෙනා අත්අඩංගුවට ගැනුනේ ඩෙල්ෆ් දුපත ආසන්නයේදීය. පසුව මෙම ධිවරයින් යාපනය කයිට්ස් අධිකරණය වෙත ඉදිරිපත් කිරීමෙන් අනතුරුව ලබන පස්වන දින දක්වා රක්ෂිත බන්ධනාගාර ගත කිරීමට නියෝ්ග කළේය.
