අදාළ අධිකරණ තීන්දුව මගින්, එල්.ටී.ටී.ඊ. සංවිධානය තහනම් සංවිධානයක් ලෙස ප‍්‍රකාශයට පත් කිරීම සහ ඔවුන්ගේ වත්කම් අත්හිටුවීම සඳහා තමන් ගෙන ඇති පියවර අවලංගු වීමේ තත්ත්වයක් පැන නැගිය හැකි බව යුරෝපා සංගමය ඊයේ (02) ප‍්‍රකාශ කළේය. එම නිසා මෙම අභියාචනය ඉදිරිපත් කළ බව යුරෝපා සංගමය අවධාරණය කරයි.
මේ පිළිබඳ නිවේදනයක් නිකුත් කරමින් විදේශ අමාත්‍යාංශය ප‍්‍රකාශ කළේ යුරෝපා සංගමයේ තීරණය ශී‍්‍ර ලංකාව පිළිගන්නා බවයි. ත‍්‍රස්තවාදයට එරෙහිව මෙවැනි සාමුහික ප‍්‍රයත්නයන් අත්‍යවශ්‍ය බවද විදේශ අමාත්‍යාංශය සඳහන් කළේය.
ලක් රජය යුරෝපා සංගමය සමඟ නිරන්තරයෙන් සහයෝගයෙන් කටයුතු කරන අතර, ත‍්‍රස්තවාදයට එරෙහි කටයුතුවලදී පෙන්නුම් කරන්නේ පූර්ණ කැපවීමකි. යුරෝපය තුළ එල්.ටී.ටී.ඊ. සංවිධාන ජාලය තවමත් ව්‍යාප්තව පවතින තත්ත්වයක් තුළදී ත‍්‍රස්තවාදය ව්‍යාප්තවීම වැළැක්වීම සඳහා යුරෝපා සංගමය ගත් මෙම පියවර අගය කරන බව විදේශ අමාත්‍යාංශය නිකුත් කළ නිවේදනයේ වැඩිදුරටත් සඳහන්ය.
