මෙම සිද්ධියට අදාළ සුධර්මා නෙත්තිකුමාරි නැමැති තැනැත්තිය සැකකාරියක් ද නැද්ද යන්න සම්බන්ධයෙන් මේවනතුරු නීතිපති උපදෙස් ලැබී නොමැති බැවින් මෙලෙස මුදා හැරීමට ඊයේ (08) නියෝග කෙරුණි.
අදාළ උපදෙස් ලැබී නොමැති බව කොළඹ වංචා විමර්ශණ ඒකකය විසින් අධිකරණයට දැනුම් දුන්නේය.
කෙසේ නමුත් මෙම තැනැත්තිය මෙලෙස මුදා හැරිය ද අධිකරණයෙන් නොතීසි නිකුත් කළහොත් වහාම අධිකරණයේ පෙනී සිටිය යුතු බවට උපදෙස් දෙනු ලැබීය.
2012 වසරේ අගෝස්තු මාසයේදී ව්‍යාපාරිකයෙකු වන සමන්ත දිල්රුක්‍ෂ නැමැත්තා විසින් සුධර්මා නෙත්තිකුමාරිට එරෙහිව ඉඩමක් මිලදී ගැනීමක් සම්බන්ධ ගනුදෙනුවකදී මුදල් ලබා ගෙන විශ්වාසය කඩකල බවට ඉදිරිපත් කළ පැමිණිල්ලක් සම්බන්ධයෙන් මෙම නඩු විභාගය සිදු කෙරේ.
