ඔහු සමග තවත් නියෝජිතයින් 04 දෙනෙකු මෙම සංචාරයට එක්ව සිටියි. ශ‍්‍රී ලංකා ආණ්ඩුවේ ඉහලපෙලේ නියෝජිතයින් සමග සාකච්ඡා කිරීම ඔවුන්ගේ අපේක්‍ෂාවයි.
වෙරළාරක්‍ෂක කටයුතු සඳහා ශ‍්‍රී ලංකාවට මුර යාත‍්‍රා දෙකක් ලබාදීමට ද මෙම සංචාරයේ දී ඔවුන් සැලසුම් කර ඇත.
තවද ඕස්ටේ‍්‍රලියානු ආගමන විගමන සහ වෙරළාරක්‍ෂක අමාත්‍යවරයා මෙලෙස ශ‍්‍රී ලංකාවේ සංචාරයක යෙදෙන්නේ ශ‍්‍රී ලාංකික සරණාගතයින් සම්බන්ධයෙන් ඕස්ටේ‍්‍රලියාව ගනු ලැබ ඇති ක‍්‍රියාමාර්ග ඇතැම් පාර්ශ්වයන්ගේ විවේචනයන්ට ලක්ව තිබෙන අවස්ථාවකය.
දේශපාලන රැකවරණ පතා ඕස්ටේ‍්‍රලියාවට ගොස් සිටි ශ‍්‍රී ලාංකිකයින් 41 දෙනෙකු ඉකුත් ඉරිදා එරටින් පිටුවහල් කෙරින. ශ‍්‍රී ලංකා නාවික හමුදාව විසින් භාරගන්නා ලද එම පිරිස නැවත මව්බිමට රැගෙන ආවේ ඊයේ දිනයේදිය.
පසුව ඔවුන් අපරාධ පරික්‍ෂණ දෙපාර්තමේන්තුවට භාරදුන් අතර, ඉන් කිහිප දෙනෙකු ඊයේ දිනම නිදහස් කරනු ලැබිය.
දේශපාලන රැකවරණ පතා පැමිණි තවත් ශ‍්‍රී ලාංකිකයින් 153 දෙනෙකු සිය නාවික හමුදාව විසින් ගැඹුරු මුහුදේ රඳවාගෙන සිටින බව ඕස්ටේ‍්‍රලියාව ඊයේ ප‍්‍රකාශ කළේය.
ඔවුන් එරටින් පිටුවහල් කිරීම වළක්වාලීම සඳහා එරට අධිකරණයට පෙත්සමක් ද ඉදිරිපත් වී ඇත.
