මෙවර අපොස සා.පෙ. විභාගය පෙනී සිටින දරු දැරියන් හට විශාල අපහසුතාවයන්ට මුහුණ දීමට සිදුව ඇත.
පුත්තලම වැනි ඈත ප්‍රදේශයන් හි සිට එජනිස ආධාරකරුවන්ට රැළියට සහභාගිවීම සදහා නොමිලේ ප්‍රවාහණය පහසුකම් සපයා තිබුණු අතර මෙලෙස යොදා ගත් බස් රථ ප්‍රමාණය අවම වශයෙන් 1185 කි.
අනුරාධපුර, පොළොන්නරුව, ඩිපෝ මගින් කල විමසීම් වල දී ප්‍රකාශ වූවේ ණය පදනම මත මෙම බස් රථ ජන රැළියට ප්‍රවාහණ පහසුකම් සැපයීම සදහා ලබා දී ඇති බවයි.
ශ්‍රී ලංකා ගමනා ගමන මණ්ඩලයේ බස් රථ මෙවැනි කටයුතු සදහා ලබාදීමේ දී ඒ සදහා වන ගාස්තු ගෙවීමක් සිදු විය යුතුය.
නමුත්, බොහෝ විට සිදු වන්නේ ණය පදනමින් යැයි ලබා ගන්නා මෙවැනි බස් රථ සදහා කිසිදු අවස්ථාවක ගාස්තු ගෙවීමක් සිදු නොවීමයි.
අනුරාධපුර, පොළොන්නරුව, මුලතීව්, යාපනය, කිලිනොච්චි, දඹුල්ල, හැටන්, මහියංගනය, මොරටුව, උඩහමුල්ල, තලංගම, ජා ඇළ, මට්ටක්කුලිය, පේදුරුතුඩුව, හැටන්, අක්කරේපත්තුව, හොරොව්පතාන, කන්තලේ, තීකුණාමලය, හිගුරක්ගොඩ, නුවරඑළිය ඩිපෝ මගින් මෙම බස් රථ ලබා ගෙන තිබුණි.
