මෙම ප්‍රචාරණ දැන්වීම්වලට සහභාගිවීමට ක්‍රීඩකයන් ප්‍රතික්ෂේප කර තිබයදී ඔවුන්ට බලපෑම් එල්ල කිරීම හෙළා දකින බව ඔහු සඳහන් කරයි.
ක්‍රීඩකයන් මෙවන් දේ සඳහා යොදා ගෙන ඔවුන්ට පසුව ලාබ ප්‍රයෝජන ලබා දීම පසුගිය කාලයේදී ද දක්නට ලැබුණි.
තේරීම් කමිටු සාමාජික හෂාන් තිලකරත්න ජනාධිපතිවරයාට සහය පළ කර ප්‍රසිද්ධ දේශපාලනයට පැමිණීම අර්ජුණ රණතුංග මන්ත්‍රීවරයා දැඩි ලෙස විවේචනය කළ අතර දේශපාලනයට පැමිණීමට අවශ්‍ය නම් ඔහු තේරීම් කමිටුවෙන් ඉල්ලා අස් විය යුතුයි බව පවසයි.
"හෂාන් කියන්නේ ක්‍රිකට් ආයතනයෙන් මුදලක් ලබන කෙනෙක්, අනික රටේම ක්‍රීඩකයන්ගේ වගකීම තිබෙන පුද්ගලයෝ මේගොල්ලෝ, දේශපාලනය කරන්න ඕනේ නම් ඔහු තේරීම් කමිටුවෙන් අයින් වෙන්න ඕනේ"
ක්‍රිකට් ආයතනයේ නිලධාරින්ද සහභාගිවූ මාධ්‍ය සාකච්ඡාවක තේරීම් කමිටු නිලධාරියෙකු වන හෂාන් තිලකරත්න ජනාධිපතිට සහය පළකිරීම ක්‍රිකට් ක්‍රීඩාව දේශපාලනීකරණය වීමේ තවත් උදාහරණයක් පමණක් බව මන්ත්‍රීවරයා සඳහන් කරයි.
"තමන්ගේ නම දාන්න ක්‍රීඩාංගන හදලා, ක්‍රිකට් ආයතනය බංකොලොත් කළා ,අපි දැක්ක ඇමැතිවරයකුගේ පුතෙකු ලකුණු නැතිව සංචිත වල හිටියා, මේවා දේශපාලනීකරණය නොවෙයිද?," යනුවෙන් ඔහු වැඩිදුරටත් ප්‍රශ්න කළේය.
