පසුගිය දිනක මෙරට උසස් අධ්‍යාපන අමාත්‍යවරයා වන එස්.බී දිසානායක සමස්ත කාන්තා පරපුරටම නිග්‍රහ කළ බවත් ඔහු ඒ වෙනුවෙන් සමස්ත කාන්තා පරපුරෙන්ම සමාව ගතයුතු බවත් රෝසි සේනානායක මහත්මිය සදහන් කළාය.

හිටපු ජනාධීපතිනී චන්ද්‍රිකා බණ්ඩාරනායක මහත්මියව බිම දමා පාගා නිරුවත් කර පාරේ දුවන්න සැළැස්විය යුතු බව උසස් අධ්‍යාපන ඇමතිවරයා පැවසූ බවත් ,හිටපු ජනාධීපතිනීයට මෙසේ පැවසුවානම් මේ රට තුළ සාමාන්‍ය කාන්තාවකට තිබෙන තත්වය කෙබදුද යන්න පැහැදිලි වන බව ත් ඇය පැවසුවාය.

වත්මන් ජනාධිපතිවරයා ඔවුන්ව ආරක්ෂා කරමින් නිහඩව සිටීම හෙළා දකින බවත් කාන්තාවන්ට ගරු සැළකිල්ලක් දක්වනවානම් එස් බී දිසානායක අමාත්‍යවරයා ඉල්ලා අස්වන තැනට කටයුතු කිරීමට මෙරට ජනාධිපතිවරයා ක්‍රියා කළ යුතු බවත් ඇය පැවසුවාය. එස් බී දිසානායක ,හිටපු ජනාධීපතිනියගෙන් පමණක් නොව සමස්ත කාන්තා පරපුරෙන්ම සමාව ගත යුතු බවද ඇය පැවසුවාය.

‍කොස් පොළොස්කා හැදුනු වැඩුණු මවකගේ කුසින් බිහිවූවන් පාර්ලිමේන්තු පදවිවල හිදගෙන තනතුරු හොබවමින් මෙසේ නොමනා ලෙස කාන්තාවන්ට නිගරු කිරීම හෙළා දකින බව මෙම අවස්ථාවට සහභාගීවූ මධ්‍යම පළාත් පළාත් සභා මන්ත්‍රිනී ශාන්තිනී කෝන්ගහගේ මහත්මිය ද අවධාරණය කළාය.

ඡායාරූප- නිශාන්ත පි‍්‍රයදර්ශන

{soundcloud}https://soundcloud.com/lankadaily/rosi-koongahage{/soundcloud}