ජනාධිපතිවරණය ප‍්‍රකාශයට පත් කළ දින සිට රාජ්‍ය මාධ්‍ය ආයතන මගින් එක් අපේක්‍ෂකයෙකුගේ අපේක්‍ෂකත්වය පමණක් ප‍්‍රවර්ධනය සඳහා ඉතාමත් පක්‍ෂග‍්‍රාහී සහ අත්තනෝමතික ලෙස කටයුතු කරන බවයි. එම පැමිණිල්ලෙහි දක්වා ඇති පරිදි 1988 අංක 16 දරණ පනතින් සංශෝධිත 1981 අංක 15 දරණ ජනාධිපතිවරයා තෝරා පත්කරගැනීමේ පනතේ 117 වගන්තියේ (5) උප වගන්තියේ දක්වා ඇති පරිදි මෙන්ම (7) උප වගන්තියේ දක්වා ඇති පරිදි ද අපේක්‍ෂකයෙකුගේ අපේක්‍ෂකත්වය ඍජුවම හෝ අන්‍යාකාරයකින් ප‍්‍රවර්ධනය කිරීමේ බලපෑම් ඇතිවන කිසිම දෙයක් රාජ්‍ය ගුවන් විදුලියෙන් හෝ රූපවාහිනියෙන් ප‍්‍රචාරය නොකළ යුතු බවයි.
ඒ සම්බන්ධයෙන් යම් දුෂ්කරතාවක් ඇති වන්නේනම් එම වගන්තියේ 118 වගන්ති යටතේ උද්ගතවන දුෂ්කරතා මග හරවාගැනීම සඳහා නියම කිරීමේ බලය මැතිවරණ කොමසාරිස්වරයා සතුවේ.
එසේ හෙයින් 118 වන වගන්තියට ප‍්‍රාකාරව මැතිවරණ කොමසාරිස්වරයා වෙත පැවරී ඇති බලතල ක‍්‍රියාත්මක කොට රාජ්‍ය මාධ්‍ය ආයතන නියාමනය කිරීම සඳහා නිසි බලධරයෙකු වහාම පත්කරන ලෙසද නීතීඥ නාමල් රාජපක්‍ෂ මහතා මැතිවරණ කොමසාරිස්වරයා වෙත ඉදිරිපත් කළ පැමිණිල්ලෙන් ඉල්ලා ඇත.
