ආණ්ඩුවට තුනෙන් දෙකක බලයක් තිබීමට පාර්ලිමේන්තු මන්ත්‍රි ධුර 150ක් අවශ්‍යය.
පෙරේදා (28දා) දිනය වන විට මෛත්‍රිපාල සිරිසේන, රාජිත සේනාරත්න, චම්පික රණවක, දුමින්ද දිසානායක, නවීන් දිසානායක, රවුෆ් හකිම්, රිෂාඩ් බදියුදීන්, බසීර් සේගු දාවුඩ් යන කැබිනට් අමාත්‍යවරු 8 දෙනකුද එම්.කේ.ඒ.ඩී. එස්. ගුණවර්ධන, පලනි දිගම්බරම්, පී. රාධාක්‍රිෂ්ණන් යන නියෝජ්‍ය අමාත්‍යවරු 3 දෙනකුද වසන්ත සේනානායක, හුනයිස් ෆාරුක්, අමීර් අලී, රජීව් විජේසිංහ, පී. රාජතුරෙයි, අතුරලියේ රතන හිමි, හසන් අලී, ෂෆීක් රාජාබ්දීන්, එම්.එම්.එම්. හාරිස්, ෆයිසල් කාසිම්, එම්.එස්.එම්. අස්ලම්, එම්. බී. ෆාරුක්, එම්.එස්. තවුෆික් යන පාර්ලිමේන්තු මන්ත්‍රිවරු 13 දෙනකු ආණ්ඩුවෙන් ඉවත්ව විපක්ෂයේ පොදු අපේක්ෂක මෛත්‍රිපාල සිරිසේන මහතාට සහාය ලබා දී ඇත. තිස්ස අත්තනායක සහ ජයන්ත කැටගොඩ යන පාර්ලිමේන්තු මන්ත්‍රිවරු විපක්ෂයෙන් ඉවත්ව ආණ්ඩුවට සහාය දීමට එක්ව සිටිති.
