එමෙන්ම ශ්රී ලංකාවේ සංහිඳියා කි‍්‍රයාවලියට, දේශපාලන සංවාදයට සහ වගවීම් කි‍්‍රයාවලිය සඳහා ජගත් සංවිධානය අඛණ්ඩව සහාය වන බව ඔහු අවධාරණය කරයි.
එක්සත් ජාතීන්ගේ වෙබ් අඩවිය සඳහන් කළේ මහලේකම්වරයා විදේශ කටයුතු අමාත්‍ය ජී.එල්. පීරිස් අමතා එම සහතිකය ලබාදුන් බවය. ඔහු සමඟ පසුගිය සතියේ පැවැති දුරකථන සංවාදයේදී ජගත් මහලේකම්වරයා ජනාධිපතිවරණය සම්බන්ධයෙන් තවදුරටත් අදහස් දක්වා අැත.එහිදී ඔහු පෙන්වා දී ඇත්තේ මෙරට සුළු ජන කොටස් ඇතුළු සියලූ ඡන්දදායකයන්ට බියකින් තොරව ඡන්දය පාවිච්චි කිරීම සඳහා වාතාවරණයක් ඇති කිරීම වැදගත් වන බවය.
සාමකාමී හා විශ්වසනීය මැතිවරණ ක‍්‍රියාවලියකට අවශ්‍ය වැඩපිළිවෙළ ක‍්‍රියාවට නංවන ලෙස ඔහු රජයෙන් ඉල්ලා සිටියි.
එසේම ඉතා මෑතක කාලයේදී අන්තවාදී අදහස් උදහස් ඇති බෞද්ධ කණ්ඩායම් විසින් ශ්රී ලංකාවේ මුස්ලිම් සහ ක්‍රිස්තියානි ප්‍රජාවන්ට එරෙහිව ප්‍රචණ්ඩත්වය හා එකිනෙකාගේ ගුණදොස් සොයමින් සොයමින් සිටින බවත්, එය ශ්රී ලංකාව නැවත වරක් කැරැල්ලකට යා හැකි මගක් විය හැකි බවත් ඒ මහතා එහිදී වැඩිදුරටත් පෙන්වාදී අැත.
