පසුගිය දිනක පාර්ලිමේතුව තුළදී ධීවර ඇමැතිවරයා සඳහන් කළ අයුරින් යුරෝපයේ රවටල ධීවර යාත්‍රා ජත්‍යන්තර මුහුදේ මත්ස්‍ය සම්පත නෙළාගෙන යන නිසා දියුණු තාක්ෂණයක් සහිතව ධීවර කටයුතු කරන නිසාත්, එම සමාගම්වලට අවසර දුන් බව ධීවර අමාත්‍ය රාජිත සේනාරත්න පැවසුවද තවමත් එම සංගම් හෙළි නොකරන්නේ ඇයිද යන්නත් එම සංගමය ප්‍රශ්න කරයි.
එමෙන්ම චීන යාත්‍රාවලට මේ රටට අයත් ජාත්‍යන්තර මුහුදු කලාපයේ ධීවර කටයුතු කිරීමට අවසර ලබා දී ඇත්තේ ඒකාබද්ධ සමාගමක් ලෙස ශ්‍රී ලංකාවේ ලියාපදිංචි වී තිබෙන නිසා බවට ධීවර ඇමැති වරයා පවසන බැවින් එලෙස ලියාපදිංචි වී තිබෙන චීන සමාගම සහ මෙරට නියෝජිත ආයතනය වහාම රටට හෙළි කරන්නැයි සමස්ත ලංකා ධීවර ජනතා වෘත්තීය සමිතිය ධීවර අමාත්‍ය රාජිත සේනාරත්නගෙන් ඉල්ලා සිටී.
එම සංගමයේ සභාපති අරුණ රොෂාන්ත වැඩිදුරටත් පෙන්වා දෙන්නේ චීන සමාගම් වල යාත්‍රාවලට ධීවර කටයුතු කිරීමට අවස්ථාව ලබාදීම තුළින් රටට අත්වන වාසිය රටට හෙළි කළ යුතු බවයි.
