ශ්‍රී ලංකාවේ හිටපු ජනාධිපති මහින්ද රාජපක්‍ෂ, යුද අපරාධ පරීක්‍ෂණයකට ලක්කල යුතුය යන ස්ථාවරයේ තමා අඛණ්ඩව සිටින බව රැප් ගායිකා මායා අරුල්ප්‍රකාශම් ප්‍රකාශ කර ඇත. නව රජයක් පිහිටුවා ඇති පසුබිමේදී ශ්‍රී ලංකාවේ දෙමළ ජනතාවගේ මූලික අවශ්‍යතා සපුරාලිය යුතු බව ඇය චැනල් 4 නාලිකාවට ලබාදුන් සම්මුඛ සාකච්ඡාවකදී ප්‍රකාශ කර ඇත.
ශ්‍රී ලංකාවේ යුද අපරාධ සිදුවූ කාලයේදී වත්මන් ජනාධිපති මෛත්‍රීපාල සිරිසේන නියෝජ්‍ය ආරක්‍ෂක ලේකම් වශයෙන් කටයුතු කර ඇති අතර ඔහුද ජාත්‍යන්තර යුද අපරාධ පරීක්‍ෂණය ප්‍රතික්ෂේප කර ඇත. එබැවින්, එම රජයද පෙර තිබූ රජයට සමාන බව ඇය ප්‍රකාශ කර ඇත.
මෛත්‍රීපාල සිරිසේනගේ ජයග්‍රහණයට දෙමළ ජනතාවගේ ඡන්ද වැඩි දායකත්වයක් ලබාදී ඇත. එබැවින්, නව රජය දෙමළ ජනතාවගේ මූලික අවශ්‍යතාවයන් සපුරාලිය යුතු බව මායා ඉල්ලීමක් කර ඇත. රාජපක්‍ෂ රජය සිදුකල දෙමළ ප්‍රදේශ හමුදාකරණය කිරීම ඇතුළු ඇතැම් කරුණු නව රජය ලිහිල් කිරීම තුලින් සංහිදියාවක් ඇති කිරීමට හැකි බව මායා ප්‍රකාශ කර ඇත.
දෙමළ ජනතාවට එරෙහි යුද අපරාධ සිදුකල මහින්ද රාජපක්‍ෂව Hague අධිකරණයට යැවිය යුතුය යන ස්ථාවරයේ තමා අඛණ්ඩව සිටින බව මායා අරුල්ප්‍රකාශම් ප්‍රකාශ කර ඇත.
(lankatnews)
