මේ 14 දෙනාට අමතරව ජනාධිපතිවරණයේ දී මෛත්‍රීපාල සිරිසේන මහතාගේ ජය තහවුරු කිරීම සඳහා ඇපකැප වූ මන්ත්‍රීවරු තිදෙනෙක් ඇතුළු මුස්ලිම් කොන්ග්‍රසයේ මන්ත්‍රීවරයෙක් ද සිටිති.මේ අනුව විපක්ෂයේ මන්ත්‍රීවරු 16 දෙනාට අමතරව ආණ්ඩු පක්ෂයේ මන්ත්‍රීවරු 14 දෙනෙක් කැමැත්ත ප්‍රකාශ කොට ඇත.
මන්ත්‍රීවරු 48 දෙනෙකුගෙන් සමන්විත වයඹ පළාත් සභාවේ බහුතරයක් විපක්ෂයට සහාය දීමට කැමැත්ත ප්‍රකාශ කොට ඇත.
මේ අනූව තමන්ගෙන් ගිලිහෙන බලය රර්ක ගැනීමට නොහැකිව සිටින මහ ඇමැති දයාසිරි ජයසේකර ගේ මාධ්‍ය ඒකකය විපක්ෂයේ හා විපක්ෂයට එක් වීමට නියමිත කණඩායමේ මන්ත්‍රීවරු ඉලක්ක කර මඩ ප්‍රහාර එල්ල කරමින් තිබේ. සමාජ ජාලා හා ඊමේල් පණිවිඩ යෝදා ගනිමින් ඊයේ දහවල් සිට මේ කටයුත්තේ ඔවුන් නිරතව සිටී.
පළාත් සභාවේ වත්මන් තත්ත්වය පැහැදිලි කිරීම සඳහා ප්‍රධාන ඇමැතිවරයාගේ මැදිහත්වීමෙන් විශේෂ සාකච්ඡාවක් පසුගියදා පළාත් සභා අමාත්‍යාංශ කාර්යාලයේ දී පැවැත්විණි.
විනාඩි 12කට පමණ සීමාවූ මේ සාකච්ඡා වටයට සහභාගි වී සිටියේ මන්ත්‍රීවරු 18 දෙනෙක් පමණි.
කෙසේ වෙතත් පළාත් සභාවේ වෙනසක් ඉල්ලමින් වයඹ ජනතාව පෙළගැසී සිටිති.
