විපක්ෂයේ සිටින පක්ෂ නායකයන් වශයෙන් පාර්ලිමේන්තුවේ විශේෂ පිළිගැනීමක් තම කණ්ඩායමේ එක් එක් අයට ලබාදෙන ලෙසද කතානායකවරයාගෙන් ඉල්ලා සිටි බව ගුණවර්ධන මහතා පැවැසීය.

පාර්ලිමේන්තුවේ පක්ෂ නායක රැස්වීම ආරම්භවීමට පෙර, මෙසේ කතානායකවරයා හමුවී ඇත්තේ
දිනේෂ් ගුණවර්ධන, වාසුදේව නානායක්කාර, මහාචාර්ය තිස්ස විතාරණ, ඩිව් ගුණසේකර, ඒ.එල්.එම්. අතාවුල්ලා, විමල් වීරවංශ, ඩග්ලස් දේවානන්ද යන පක්ෂ නායකයන්ය.

අගමැතිවරයාත්, විපක්ෂ නායකවරයාත්, ජනාධිපතිවරයා විසින් පත්කරන බවත් මෙය ලෝකයේ කොහේවත් නොමැති විලම්බීත අලුත් ආණ්ඩුක්‍රමයක් බව වාසුදේව නානායක්කාර මහතා කතානායකවරයා හමුවේ පැවැසූ බවද ගුණවර්ධන මහතා සඳහන් කළේය.

හිටපු ඇමැති ඩග්ලස් දේවානන්ද මන්ත්‍රිවරයාට ලබාදී තිබුණු ආරක්ෂාව ඉවත් කර ඇතැයිද, ඒ මහතාට මෙතෙක් කල් හැම රජයක්ම විශේෂ ආරක්ෂාවක් ලබා දිය යුතු පුද්ගලයකු ලෙස සලකන ආරක්ෂාව ලබා දී ඇති බැවින් එම ආරක්ෂාව ලබාදීමට පියවර ගන්නා ලෙස මෙහිදී කතානායකවරයාගෙන් ඉල්ලීමක් කළ බවත් දිනේෂ් ගුණවර්ධන මහතා කීය.

ඒ සම්බන්ධයෙන් සොයා බලා අවශ්‍ය ආරක්ෂාව ලබාදීමට තමා මැදිහත් වන බව කතානායක චමල් රාජපක්ෂ මහතා දැනුම් දී ඇත.

mawbima