ජනමාධ්‍ය ඇමැතිවරුන් වූ අනුර ප්‍රියදර්ශන යාපා හා කෙහෙළිය රඹුක්වැල්ල යටතේ ගුවන් විදුලි සංස්ථාවේ සේවය කළ මොහුට එම රැකියාවෙන් සමුගන්නට සිදුවූයේ ආයතනයට එරෙහිව නඩුවක් පවතින බව පවසා ව්‍යාජ ලිපිගොනු ආයතනයට ඉදිරිපත් කර නීතිඥ ගාස්තු ලෙස අතිවිශාල මුදලක් වංචාකාරී ලබා ගැනීම හෙලිවීම හේතුවෙනි.
මේ හෙළි වුයේ පාර්ලිමේන්තු කොප් කමි‍ටුව හමුවේය. ඔහුට රැකියාවෙන් ඉවත් වන ලෙස එම කමි‍ටුව විසින් කළ නිර්දෙශය අනුව රැකියාවෙන් ඉල්ලා අස්විය.
මොහු අමාත්‍ය අනුර ප්‍රියදර්ශන යාපා මහතා ප්‍රධාන සංවිධායකධුරය දරන කටුගම්පොළ මැතිවරණ කොට්ඨාශයේ පදිංචිකරුවෙකි. මෙන්ම ඔහුගේ සමීපත මිතුරෙකි.
පසුව ජනාධිපතිවරණය ආසන්නයේ මෛත්‍රීපාල සිරිසේන මහතාට සහය දැක්වීම සිදු කළ අතර මේ වන විට ආණ්ඩුවේ ප්‍රධානින් කිහිප දෙනෙකු හමුවී ගුවන් විදුලි සංස්ථාවේ ඉහළ තනතුරක් ලබා දෙන ලෙස ඉල්ලීම් කරමින් සිටී. ජනාධිපතිවරණය වෙනුවෙන් සිරිකොත එක්සත් ජාතික පක්ෂ මුලස්ථානයේ පැවැත්වූ විශේෂ මහා සම්මේලනයටමොහු සහභාගි වී සිටියේය.
