මේ සම්බන්ධයෙන් ඊයේ ඊට අදාලව ප්‍රචාරක දැන්වීම් සකස් කළ මීඩියා ෆැක්ටරි නම් ප්‍රචාරක ආයතනයේ හිමිකරුවන්ගෙන් පොලීසිය ප්‍රශ්න කර ඇත. එහිදී ඔවුන් පවසා ඇතේ තමන්ට මෙම දැන්වීම නිර්මාණය කර දෙන ලෙස ඒ ලබා දුන්නේ ට්‍රයි ඇඩ්ස් නැමැති තවත් ප්‍රචාරක ආයතනයක් විසින් බවය.
මෙම ට්‍රයි ඇඩ්ස් ප්‍රචාරක ආයතනය හිටපු ජේෂ්ඨ ඇමැති සාරත් අමුණුගම මහතාගේ බෑණනුවන් වන දිලිත් ජයවීරට අයත් ආයතනයකි. රාජපක්ෂවරුන්ගේ මඩ ප්‍රචාරක දැන්වීම් රැසක් නිර්මාණය කර තිබුණේ මෙම ආයතනයයි.
කෙසේ නමුත් මෙම ව්‍යාජ අත්සන් සහිත ගිවිසුම මාධ්‍ය හමුවට ඉදිරිපත් කළේ පක්ෂ මාරු කළ එජාපයේ හිටපු මහ ලේකම් තිස්ස අත්තනායක විසිනි. එහි වගකීම ඔහු විසින් බාර ගනු ලැබූ අතර ඔහු දිගින් දිගටම මාධ්‍ය සාක්ච්ඡා පවත්වමින් මෙම ගිවිසුමේ ඇති බරපතලකම ගැන තොරතුරු පැවැසුවේය.
පසුව මෙය ව්‍යාජ අත්සන් යොදා සකස්කරනු ලැබු ව්‍යාජ ලේඛනයක් බව සනාත විය. මෙම ලේඛනය සකසා ඇත්තේද තිස්ස අත්තනායක හා ඔහුගේ මාධ්‍ය ලේකම් වරයා වූ දිනෙෂ් දොඩංගොඩ විසින් බවට වාර්තා පලවීද තිබිණි . මෙම වරදට වසර 6 ක සිර දඬුවම් ලබා දිය හැකි බව නීතිඥවරු පෙන්වා දෙයි.
