වියදම් අවම කරමින් මෙම උත්සවය පවත්වන බව ස්‌වදේශ කටයුතු සහ ධීවර ඇමැති ජෝශප් මයිකල් පෙරේරා මහතා ඊයේ (21 වැනිදා) සිය අමාත්‍ය ධුරයේ වැඩ භාර ගැනීමෙන් අනතුරුව පැවැසීය.
පසුගිය රජය සමයේ මෙවර ජාතික නිදහස්‌ උත්සවය වීරකැටිය ප්‍රදේශයේ පැවැත්වීමට කටයුතු යොදා තිබිණි. වීරකැටියේ පැවැත්වීමේදී විශාල වියදමක්‌ දැරීමට සිදු වන නිසා වියදම් අවම කරමින් පාර්ලිමේන්තු ක්‍රීඩා පිටියේ මෙය පවත්වන බව ද ඇමැතිවරයා කීය.
මාතර පැවැත්වීමට නියමිතව තිබූ දැයට කිරුළ වැඩසටහන ද නවතා දැමීමට කටයුතු කළ බව කී ඇමැතිවරයා ඒ වෙනුවෙන් සිදු කිරීමට නියමිත මාර්ග ඇතුළු සංවර්ධන කටයුතු සිදු කරන බව ද වැඩිදුරටත් කීය.
