මෙරට කිසිදු ක්‍රීඩා ඇමැතිවරයකුට දක්ෂ ක්‍රීඩක ක්‍රීඩිකාවන් බිහිකර මෙරට ක්‍රීඩාව දියුණු කිරීම සඳහා ඉඩ කඩ ලබා නොදෙන මෙම ක්‍රීඩා සංගම් මා‍ෆියාව සෑම විටම සිදුකරනු ලැබුවේ අලුතෙන් පත්වන ක්‍රීඩා ඇමැතිවරයා හා එම නිළධාරීන්ට අල්ලස් වරදාන ලබා දී තමන්ට ඕනෑ හැටියට නැටවීමය.
තවමත් මෙරටට නිශ්චිත නිවැරදි ක්‍රීඩා ප්‍රඥප්තියක් බිහිකර ගැනීමට නොහැකි වී ඇත්තේද මේ මා‍ෆියාවට අවශ්‍ය ලෙස අමාත්‍යාංශවල නිලධාරීන් කටයුතු කරමින් සිටීම නිසාය.
මේ සමඟ වන ඡායාරූපයේ ඇමැති නවීන් දිසානායක මහතා සමඟ සිටින්නේ මෙරට වුෂූ ක්‍රීඩාව විවිධ සටපකටකම් වලින් වසර 15කටත් වඩා වැඩි කාලයක් තිස්සෙ තමන්ගේ පෞද්ගලික බූදලයක් කරගෙන එය විනාශකරමින් සිටින ශ්‍රී ලංකා වුෂූ සම්මේලනයේ සභාපති මානෙල් ධර්මකිර්ති හා ඔහුගේ ගෝලබාලයන් කිහිප දෙනෙකි.
අඩුම තරමින් ක්‍රීඩා ඇමැතිවරයාට මෙම මානෙල් ධර්මකීර්ති ගේ දහං ගැට වලින් බේරීමට හැකියාවක් තිබුණොත් ඔහුට මෙරට ක්‍රීඩාව වෙනුවෙන් යමක් කළ හැකිවනු ඇතැයි අපගේ විශ්වාසයයි.
