එලෙස භාරදුන් පැමිණිලිවලින් දාහතරදහස් හතළිස් හතරක් සම්බන්ධයෙන් නඩු පවරා ඇති අතර, ඉතිරි ඒවා සම්බන්ධයෙන් ද ඉදිරියේදී නඩු පවරන බවද අනෝමා දිසානායක මහත්මිය කියා සිටියා ය.
ජාතික ළමාරක්ෂක අධිකාරියේ ඊයේ පැවති උත්සවයකට සහභාගි වෙමින් ඇය මෙම අදහස් පළ කළේය.
ළමා අපයෝජන සහ හිංසන කි‍්‍රයා පිළිබඳ තම අධිකාරිය වෙත වාර්තා වන පැමිණිලි සම්බන්ධයෙන් තරාතිරම හෝ සමාජ පසුබිම නොබලා නීතිය කි‍්‍රයාත්මක කරන බවද ඇය වැඩිදුරටත් කියා සිටියාය.
''අපිට, ජාතික ළමාරක්ෂක අධිකාරියට දේශපාලනඥයෙක් කියන එක ගැනවත් හොයන්න අවශ්‍යතාවයක් නැහැ. දරුවෝ විතරයි අපිට තියෙන්නේ. දරුවෙක්ව අපයෝජනය කළේ කවුද එයාට විරුද්ධව කොහොම කෙනෙක්ද කවරෙක්ද තරාතිරම අපි බලන්නේ නැහැ. මම ඇවිත් අවුරුදු හතරක් වෙනවා. එහෙත් මේ වනතෙක් නිල වශයෙන් දේශපාලන ධුරයක් දරන කෙනෙක් සම්බන්ධයෙන් පැමිණිල්ලක් ලැබිලා නැහැ. නමුත් එහෙම වුණත් මම වගකීමෙන් කියනවා ළමාරක්ෂක අධිකාරිය කිසිදු බලපෑමකින් තොරව ඒ කටයුත්ත ඉෂ්ඨ කරනවා කියලා.'' යයි ද ඇය පැවසුවාය.
සමාජ වෙබ් අඩවි හරහා කුඩා දරුවන් අපයෝජනයට ලක්කරන පුද්ගලයින් සම්බන්ධයෙන් ඉකුත් දිනවල පැමිණිලි ඉදිරිපත් වු බවත්, එවැනි පුද්ගලයින් අත්අඩංගුවට ගැනීම සඳහා ළමාරක්ෂක අධිකාරිය විවිධ උපක‍්‍රම භාවිත කරන බවත් අනෝමා දිසානායක මහත්මිය මෙහිදී වැඩිදුරටත් කියා සිටියා ය.
(nethfm)
