වැඩිදුරටත් අදහස් දක්වමින් ඔවුන් පවසා සිටින්නේ අද වන විට කිසිවෙකුට මෙම විශ්‍රාම පාරිතෝෂික මුදල් බැංකු ණයක් ලෙස ගෙවීමට රජය ගත් තීරණයන් සමග වෘත්තීය සමිති ඒ සඳහා කළ දැඩි විරෝධය හමුවේ එම තීරණය රජය විසින් අකුලා ගත් අතර විශ්‍රාම වැටුප් පාරිතෝෂික මුදල් පෙර පරිදි රජය හරහා ගෙවන බවට ජනාධිපතිවරයා ප්‍රකාශ කරන ලද බවයි.
එයට අදාල චක්‍ර ලේඛය 2014.06.19 දින විශ්‍රාම වැටුප් අධ්‍යක්ෂ ජනරාල් විසින් නිකුත් කෙරිණි
නමුත් විශ්‍රාම වැටුප් පාරිතෝෂික අපේක්ෂාවෙන් 2013 ඔක්තොම්බර් සිට මේ දක්වා පෝලිමේ සිටින 18,000 ක් පමණ වන විශ්‍රාමිකයන් හට චක්‍රලේඛය නිකුත් කර මාසයක් ගතවී තිබියදිත් පාරිතෝෂික ගෙවීමට කටයුතු නොකිරිම බරපතළ අසාධාරණයකි.
විශ්‍රාම පාරිතෝෂික ගෙවීමට අවශයි රු. කෝටි 900 ක මුදල භාණ්ඩාගාරය විසින් විශ්‍රාම වැටුප් දෙපාර්තමේන්තුවට ලබාදි නැති බව පැහැදිලිය. එබැවින් වසර 30 / 40 ක් රටට වැඩ කර විශ්‍රාමික රාජ්‍ය සේවකයන් අමාරුවේ නොදමන ලෙසත් ආණ්ඩුවේ ආර්ථික කලමණාකරණයේ අකාර්යක්ෂමතාවය රජයේ සේවකයන් පිට නොදමන ලෙසත් ආණ්ඩුවට අවධාරණය කරන්නෙමු.
ඉදිරි සති 2 තුල වහාම මෙම විශ්‍රාම වැටුප් පාරිතෝෂික මුදල් ගෙවා අවසන් නොකළහොත් නැවත වෘත්තීය ක්‍රියාමාර්ගයකට අවතීර්ණ වීමට සිදුවන බවද ඔවුන් පවසා සිටී.
