විශෙෂයෙන්ම විමල් වීරවංශ, උදය ගම්මන්පිළ, ටිරාන් අලස් ආදී රාජපක්ෂවාදීන් මේ වෙනුවෙන් පසුගිය දින කිහිපයේදී සැලසුම් ගනනාවක් සකස් කළද වත්මන් පාලනය කටයුතු කරමින් සිටින ප්‍රගතිශීලී ආකාරය අනුව තවදුරටත් එවැනි සිහින දැකීමේ තේරුමක් නැති බව මහින්ද රාජපක්ෂ විසින්ම ඔවුන් වෙත දන්වා තිබේ.
ජනාධිපතිවර්නයේදී ලක්ෂ 58 කට ආසන්න ඡන්ද ප්‍රමාණයක් ලැබීම සලකා බලමින් ඉදිරි ජනාධිපතිවරණයකදී ආණ්ඩු බලය ලබා ගත හැකිවනු ඇතැයි ඔවුන්ගේ මතය වී තිබිණි. මේ වෙනුවෙන් වෙන්ම සන්ධානයක් නිර්මාණය කිරීමටද සැලසුම් කෙරිණි.
එහෙත් පසුව කෙරුණු විශ්ලේෂණ වලදී එම ඡන්ද ප්‍රමාණය ලබා ගැනීම කෙරෙහි බලපෑ සාධක කිසිවක් ඉදිරි මැතිවරණයකදී වලංගු නොවන බව පෙනී ගොස් තිබේ.
රාජ්‍ය දේපල, මුදල්, මාධ්‍ය බාවිතා කරමින් ගෙන ගිය අසත්‍ය ප්‍රචාරයන් , විපක්ෂයට එරෙහි මඩ ගැසීම හා නැති සංවර්ධනය මවා පෙන්වීම ආදියට යළිත් ඉඩක් නොලැබෙන බවත් සාකච්ඡා වී තිබේ. එමෙන්ම මේ වන විට රාජපක්ෂවරු හා එම පාලනය විසින් සිදු කරනු ලැබු වංචා දූෂණ අති විශාල ප්‍රමාණයක් හෙළිදරව් වීමත් යම් හෙයකින් නිහඬව නොසිටිය හොත් අත් අඩංගුවට ගැනීමකට පවා ලක්විය හැකි බවත් රාජපක්ෂ පවුලේ සාමාජිකයන් විසින් පෙන්වා දී තිබේ.
විශේෂයෙන්ම නාමල් රාජපක්ෂ විසින් පසුගිය දින කිහිපයේදීම වත්මන් ආණ්ඩුව පිහි‍ටුවීම වෙනුවෙන් ක්‍රියාකළ අප්‍රකට ප්‍රබල පුද්ගලයන් කිහිප දෙනෙකු හා සාකච්ඡා කරමින් තම පවුලේ කිසිවකුවත් අත් අඩංගුවට නොගන්නා ලෙසත් ඇතැම් වංචාකාරි ගනුදෙනු සම්බන්ධයෙන් තොරතුරු මාධ්‍යයට යාම වලක්වන ලෙසත් එවා ගොඩින් බේරා ගැනීමට තමන් එකඟ බවටත් පවසා තිබිණි.
එමෙන්ම පසුගිය මැතිවරණ ව්‍යාපාරයයේදී තමන් විසින් ගෙන ගිය සිංහල ජාතිවාදී මතය තව දුරටත් පොෂණය කිරීම කළ හැකි තත්වයක් නොමැති බවත් විපක්ෂය බලයට ආවොත් රට බේදනවා යැයි කියමින් ගෙන ගිය ප්‍රචාරයන්ද දැන් පුස්සක් බව ඔප්පු වී තිබීම රාජපක්ෂ නොමැතිව වුවත් අනෙක් ජාතිවාදී කණ්ඩායම් වලට හෝ මතවාදයක් වෙනුවෙන් පෙනී සිටීමේ හැකීයාව අහෝසි වී තිබේ.
මේ තත්වයන් මත කිසි ලෙසකින්වත් ආණ්ඩු පක්ෂය වෙන් වෙන්ව තරග කළත් ජනතාවගේ කැමැත්තක් ලබා ගැනීම දුෂ්කර වනු ඇති බව මහින්ද රාජපක්ෂ නිශ්චිතවම පවසා ඇත.
