නියාමන වැඩපිළිවෙලක් නිසි ලෙස කි‍්‍රයාත්මක වන තුරු යම් තීරණයක් එකසේ කි‍්‍රයාවටනැගිය නොහැකි බව එම සංගමය පෙන්වා දේ. ඒ අනූව දින සියයේ වැඩපිළිවෙලට අනූව තී‍්‍රරෝද රථ නියාමනය වෙනුවෙන් වූ වැඩපිළිවෙලකට විශේෂ කමිටුවක් පත් කරන ලෙස එම සංගමය රජයෙන් ඉල්ලා සිටියේය.
ඉන්ධන ගාස්තු පහත දැමීම සැළකිල්ලට ගනිමින් තී‍්‍රරෝද රථ ගාස්තුව පහත නොදමන්නේදැයි කළ විමසීමකදී සමස්ත ලංකා තී‍්‍රරෝද රථ හිමියන්ගේ සංගමයේ සභාපති ලලිත් ධර්මසේකර මහතා ඉහත අදහස් පල කළේය.
බස් ගාස්තු මෙන්ම තී‍්‍රරෝද රථ ගාස්තුවද සියයට දහයකින් පහත දැමීමට යෝජනා කරන බව අභ්‍යන්තර ප‍්‍රවාහන අමාත්‍ය රංජිත් මද්දුම බණ්ඩාර මහතා මීට ඉහතදී ප‍්‍රකාශ කළේය. එහෙත් එවැනි තීරණයක් කි‍්‍රයාත්මක කළ හැකි වන්නේ නියාමන වැඩපිළිවෙලක් කර්මාන්තයට අදාළව කි‍්‍රයාත්මක වන්නේනම් පමණක් බව ලලිත් ධර්මසේකර මහතා පෙන්වා දුන්නේය.
