මේ සම්බන්ධයෙන් කළ විමසීමකදී අමාත්‍යංශ ප්‍රකාශකයෙකු කියා සිටියේ මැලේසියාවේ සහ නෙදර්ලන්තයේ තානාපති කාර්යාල හරහා ඒ පිළිබඳ කරුණු සෙවීම ආරම්භ කර ඇති බවයි.

මේ සම්බන්ධයෙන් කළ විමසීමකදී නෙදර්ලන්තයේ ශ්‍රී ලංකා තානාපති බුද්ධි අතාවුද මහතා ද කියා සිටියේ අදාළ යානයේ ශ්‍රී ලාංකිකයින් ගමන් කළ බවට මෙතෙක් තොරතුරු ලැබි නොමැති බවයි.

තවදුරටත් ඒ පිළිබඳ තොරතුරු සෙවීමේ කටයුතු සිදුකරන බව ද ඔහු කියා සිටියේය.

අදාළ යානයේ ගමන්ගත් මගීන්ගේ තොරතුරු අනාවරණය කරගැනීමේ කටයුතු තවදුරටත් සිදුකෙරෙමින් පවතින බව මැලේසියානු ගුවන් සේවයේ ප්‍රකාශකයෙකු සඳහන් කර තිබේ.

දැනට අනාවරණය වී ඇති පරිදි නෙදර්ලන්ත ජාතිකයින් 154 දෙනෙකු, ඕස්ට්‍රේලියානු ජාතිකයින් 27 දෙනෙකු, මැලේසියානු ජාතිකයින් 23 දෙනෙකු සහ ඉන්දුනිසියානු ජාතිකයින් 11 දෙනෙකු මිය ගිය අය අතර වන බව සඳහන්ය.

ඊට අමතරව බ්‍රිතාන්‍ය ජාතිකයින් 06 දෙනෙකු, ජර්මන් ජාතිකයින් 04දෙනෙකු, බෙල්ජියම් ජාතිකයින් 04 දෙනෙකු, පිලිපීන ජාතිකයින් 03දෙනෙකු ද වන බව වාර්තා වේ.

මෙම ගුවන් යානයේ සේවයේ නියුතුව සිටි කාර්යය මණ්ඩලයේ 15 දෙනාම මැලේසියානු ජාතිකයින් බැව් කියැවෙයි.

(අද දෙරණ)