මේ සම්බන්ධයෙන් මෙම පර්යේෂණ කණ්ඩායමම මීට වසර 4 කට පමණ පෙර ශ්‍රී ලංකාවේ ජන මාධ්‍ය හරහා හෙළි දරව්වක් කරන ලදී. කෙසේ වෙතත් එම අවස්ථාවේ මෙරට කෘෂිකර්ම ක්ෂේත්‍රයේ ආධිපත්‍ය දරන උගතුන්, කෘෂිකර්ම අමාත්‍යංශ නිලධාරීන් සහ එවකට සිටි කෘෂිකර්ම අමාත්‍යවරයා වු මහින්ද යාපා අබේවර්ධන මෙම හෙළිදරව්ව බොරුවක් බවත් පාන්පිටි කුමන්ත්‍රණයක් බවත් පවසමින් මෙකී සොයා ගැනීම් ප්‍රතික්ෂේප කළේය.
මෙම සහල් වලට ආසනික් පැමිණ ඇත්තේ තත්වයෙන් බාල පොහොර සහ කෘෂිරසායන වලින්ය. මෙම හෙළිදරව්ව සිදු කළ පසු එය යට ගැසීමට බැසිල් රාජපක්ෂ මහතා පොහොර සමාගම් වල උවමනාවට මහත් ප්‍රයත්නයක් දැරීය. මේ ගැන පාර්ලිමේන්තු උපදේශක සභාවට විද්වතුන් කරුණු දැක වූ අවස්ථාවේ මේ ගැන නැවත කතා නොකරන ලෙස බැසිල් රාජපක්ෂ මහතා තර්ජනය කර ඇත.
එය කණ වැකුණු අතුරලියේ රතන හිමි බැසිල් රාජපක්ෂ මහතා සමග බහින් බස් වීමකට පැටලුනු අතර මෙම සිද්ධිය අවසානයේ ජාතික හෙළ උරුමය රාජපක්ෂ රජයෙන් ඉවත් වීමට බල පෑ ප්‍රධානතම හේතුවක් විය. පසුගියදා "සදහම් සෙවන" පරිශ්‍රයේ පවතී නව ජනපතිතුමාට සෙත් පැතීමේ ආශිර්වාද පූජාවේදී රතන හිමියන් පැවසුයේ තමාට මහින්ද රාජපක්ෂ එපා වූයේ ආසනික් ප්‍රශ්නය නිසා බවයි.
සහල්වල අඩංගු ආසනික් මගින් පිළිකා සහ වෙනත් රෝග ඇතිවිය හැකි බව මෑතක දී ස්කොට්ලන්ත විද්වතුන් පිරිසක් පෙන්වා දී තිබිණ.
එම පර්යේෂණ පත්‍රිකාව :
